అమరావతి, సెప్టెంబర్ 28: రాష్ట్రంలో విద్యుత్ కోతలకు చరమ గీతం పాడామని, మిగులు విద్యుత్ కారణంగా భవిష్యత్తులో విద్యుత్ చార్జీలు పెంచబోమని ముఖ్యమంత్రి చంద్రబాబు నాయుడు స్పష్టం చేశారు. రెండో దశ సంస్కరణలు ఫలాలు ప్రజలు అందిస్తున్నామని, మూత పడిన పరిశ్రమలు తెరచుకున్నాయని తెలిపారు. విజయదశమి సందర్భంగా రాష్ట్ర ప్రజలకు సిఎం బహిరంగ లేఖను గురువారం రాశారు. లేఖలోని ముఖ్యాంశాలు ఇలా ఉన్నాయి.

శ్రీశైలం, సెప్టెంబర్ 26: శ్రీశైలంలో జరుగుతున్న శరన్నవరాత్రోత్సవాల్లో భాగంగా మంగళవారం శ్రీ భ్రమరాంబాదేవి కాత్యాయని అలంకారంలో భక్తులకు దర్శనమిచ్చారు. శ్రీ మల్లికార్జున స్వామి, అమ్మవార్లకు హంస వాహన సేవ నిర్వహించారు. శ్రీ భ్రమరాంబను ప్రత్యేక పూలు నూతన వస్త్రాలతో కాత్యాయనిదేవిగా అలంకరించి పూజలు నిర్వహించారు. స్వామి, అమ్మవార్ల ఉత్సవమూర్తులను హంస వాహనంపై ఆశీనులనుచేసి హారతులు ఇచ్చారు.

తిరుపతి, సెప్టెంబర్ 26: శ్రీవారి ఆలయ ఓఎస్‌డిగా పనిచేస్తున్న డాలర్ శేషాద్రి మంగళవారం స్వల్ప అస్వస్తతకు గురయ్యారు. షుగర్ లెవెల్ పడిపోవడంతో ఆయన నీరసించారు. దీంతో డాక్టర్లు ఆయనకు అర్చకుల నిలయంలోనే చికిత్స అందిస్తున్నారు. వాస్తవానికి ఉదయం జరిగే కల్పవృక్ష వాహన సేవకు కూడా ఆయన గైర్హాజరయ్యారు. అయితే ఆయనకు ఎలాంటి ప్రమాదం లేదని డాక్టర్లు అంటున్నారు.

హైదరాబాద్, సెప్టెంబర్ 26: పార్లమెంట్ సభ్యుల అభివృద్ధి నిధులు (ఎంపి లాడ్స్) ఇకనుంచి ఇష్టానుసారంగా ఖర్చు పెట్టడానికి అవకాశం లేదు. ఈమేరకు కేంద్రం గత 18న మార్గదర్శకాలు జారీ చేసింది. ఎంపి లాడ్స్ నుంచి ఎస్సీలకు 15 శాతం, ఎస్టీలకు 7.5 శాతం నిధులు తప్పనిసరిగా ఖర్చు చేయాలన్న నిబంధనను విధించింది.