భీమవరం, సెప్టెంబర్ 29: ఆంధ్రప్రదేశ్ రాష్టవ్రృద్ధిలో ప్రథమస్థానంలో నిలుస్తున్న ఆక్వా సాగు క్రమబద్ధీకరణలో భాగంగా అనధికార హేచరీలపై ప్రభుత్వం కొరడా ఝుళిపిస్తోంది. సీడ్ దశలో వాడుతున్న యాంటీబయోటిక్స్ తదితర రసాయనాల కారణంగా రొయ్య ఎదిగి, ఎగుమతి చేసే సమయంలో పలు సమస్యలు తలెత్తుతున్నాయి. ఈ నేపథ్యంలో అనుమతి లేని హేచరీలను సీజ్‌చేయాలని ప్రభుత్వం ఆదేశాలు జారీచేసింది.

వరంగల్, సెప్టెంబర్ 29: వరంగల్ నగరంలోని చారిత్రక భద్రకాళి దేవాలయంలో అమ్మవారు శుక్రవారం మహిషాసురమర్ధినిగా భక్తులకు దర్శనమిచ్చా రు. శరన్నవరాత్రి ఉత్సవాలలో భాగంగా తొమ్మిదవ రోజైన శుక్రవారం తెల్లవారుజామున నిత్యాహ్నికం నిర్వహించి భద్రకాళి మాతను మహిషాసురమర్దినిగా అలంకరించి ప్రత్యేక పూజలు జరిపిన అనంతరం భక్తులకు దర్శనం కల్పించారు.

హైదరాబాద్, సెప్టెంబర్ 29: పోతిరెడ్డిపాడుకు నీళ్లు కావాలంటే రిక్వెస్టు చేయాలి, అడుక్కోవాలి అంతే తప్ప దాదాగిరిగా తీసుకెళ్తామంటే కుదరదంటే కుదరదని ముఖ్యమంత్రి కె చంద్రశేఖర్‌రావు కరాకండిగా తేల్చిచెప్పారు. శ్రీశైలం ప్రాజెక్టు పూర్తిగా జల విద్యు త్ ఉత్పత్తి కోసం నిర్మించిన ప్రాజెక్టు, దీని నుంచి పోతిరెడ్డిపాడ్‌కు నీటిని ఎలా తీసుకెళ్తారని ముఖ్యమంత్రి ప్రశ్నించారు.

హైదరాబాద్, సెప్టెంబర్ 29: సింగరేణిలో డిపెండెంట్ పేరిట కాకుండా కారణ్య నియామకాల కింద ఉద్యోగాలు ఇస్తామని సిఎం కె చంద్రశేఖర్‌రావు ప్రకటించారు. డిపెండెంట్ల ఉద్యోగాలను కొందరు కోర్టుల్లో అడ్డుకుంటున్నారని, దీంతో చట్టంలో కొద్దిపాటి మార్పుతో తగిన న్యాయం చేస్తామని హామీ ఇచ్చారు. ఇలా చేస్తే కారణ్య నియామకాలకు ఏ కోర్టూ అభ్యంతరం చెప్పదన్నారు. దీనివల్ల ఒక్క డిపెండెంట్ ఉద్యోగం కూడా పోదని సిఎం హామీ ఇచ్చారు.