హైదరాబాద్, సెప్టెంబర్ 28: నవంబర్ చివరి వారంలో ఆలిండియా డీజీపీల సదస్సు జరుగనుంది. మధ్యప్రదేశ్ వేదిక కానున్న ఈ సదస్సులో ఆలిండియా డీజీపీలు పాల్గొననున్నారు. ఈసారి ఏజెండాలో దేశవ్యాప్తంగా ఉన్న పోలీస్ సమస్యలు, అంతర్గత భద్రత, ఉగ్రవాదం, మావోయిస్టు కార్యకలాపాలు, కేంద్ర ప్రభుత్వం అందించే ఆధునీకరణ నిధులు వంటి అంశాలను రూపొందించినట్టు సమాచారం.

హైదరాబాద్, సెప్టెంబర్ 28: సద్దుల బతుకమ్మ పండగ సందర్భంగా గిన్నీస్ బుక్ ఆఫ్ రికార్డు సృష్టించాలని రాష్ట్ర ప్రభుత్వం గురువారం చేసిన ప్రయత్నానికి వర్షం ‘బ్రేక్’ వేసిం ది. రాష్ట్ర రాజధానిలోని ఎల్‌బి స్టేడియంలో దాదాపు ఆరువేల మంది మహిళలను తంగేడుపూవు ఆకారంలో నిలబెట్టాలని, అలాగే మూడువేల మందిమహిళల చేత అతివేగంగా బతుకమ్మను పూలతో రూపొందించాలని రాష్ట్ర సాంస్కృతిక శాఖ ప్రయత్నించింది.

హైదరాబాద్, సెప్టెంబర్ 28: మొక్కజొన్నకు మద్దతు ధర ప్రకటించనున్నట్టు మంత్రి హరీశ్‌రావు గురువారం ప్రకటించారు. మద్దతు ధరతో పాటు అకాల వర్షానికి తడిసిన మక్కలను కొనుగోలు చేయాలని వనపర్తి వ్యవసాయ మార్కెట్‌యార్డులో రైతులు ఆందోళనకు దిగారు. ఈ విషయం తెలియగానే వనపర్తి జిల్లా జాయింట్ కలెక్టర్ నిరంజన్‌తో మంత్రి మాట్లాడారు. రైతులకు ఇబ్బంది కలుగకుండా వారి సమస్యలను సానుభూతితో పరిష్కరించాలని మంత్రి ఆదేశించారు.

హైదరాబాద్, సెప్టెంబర్ 28: సింగరేణి కార్మికులకు 2016-17 సంవత్సరం బోనస్‌తో పాటు, దీపావళి బోనస్‌లను కలిపి శుక్రవారం చెల్లిస్తామని సింగరేణి సంస్థ చైర్మన్ అండ్ మేనేజింగ్ డైరెక్టర్ ఎన్. శ్రీధర్ ప్రకటించారు. ముఖ్యమంత్రి కె. చంద్రశేఖరరావు ఆదేశాల మేరకు ఈ నిర్ణయం తీసుకున్నామన్నారు. లాభాల బోనస్‌గా సింగరేణి లాభాల్లో 25 శాతం కార్మికులకు ఇస్తున్నామని, ఈ మొత్తం 98.84 కోట్ల రూపాయలు అవుతుందన్నారు. దీపావళి