పుట్టపర్తి, అక్టోబర్ 1 : త్వరలో పుట్టపర్తికి వచ్చి భగవాన్ సత్యసాయి బాబా మహాసమాధిని దర్శించుకుంటానని తెలంగాణ ముఖ్యమంత్రి కె.చంద్రశేఖర్‌రావు తెలిపారు. కెసిఆర్ ఆదివారం సత్యసాయి విమానాశ్రయం చేరుకోగా స్థానిక ఎమ్మెల్యే పల్లె రఘునాథరెడ్డి ఆయనను సాదరంగా ఆహ్వానించారు. ఈ సందర్భంగా కెసిఆర్ మాట్లాడుతూ తాను త్వరలోనే మళ్లీ పుట్టపర్తికి వస్తానని, అప్పుడు సత్యసాయి మహాసమాధిని దర్శించుకుంటానని తెలిపారు.

విశాఖపట్నం, అక్టోబర్ 1: రైల్వే స్టేషన్‌ల్లోని మేనేజర్ల హోదా పెరిగింది. ఇక నుంచి మేనేజర్‌కు బదులుగా స్టేషన్ డైరెక్టర్‌గా పిలుస్తారు. అయితే ఏ-వన్ రైల్వేస్టేషన్‌గా గుర్తింపుపొందిన స్టేషన్ మేనేజర్లను మాత్రమే స్టేషన్ డైరెక్టర్‌గా హోదా పెంచారు. ఈ అరుదైన అవకాశం విశాఖ రైల్వేస్టేషన్‌కు దక్కింది. ప్రయాణికులకు వౌలిక వసతులు కల్పించడంలో ముందుండడంతోపాటు స్వచ్ఛస్టేషన్‌గా అవార్డును పొందగలిగింది.

హైదరాబాద్, అక్టోబర్ 1: శ్రీశైలం జలాశయంలో నీటి నిల్వ 166.32 టిఎంసికి చేరుకోవడంతో ఆ నీటిని వాడుకోవడానికి ఆంధ్ర, తెలంగాణ రాష్ట్రాలు మాటల తీవ్రత పెంచాయి. వివాదాలకు తెరదించేందుకు నెలాఖరులోగా ఇద్దరు సిఎంలతో భేటీ నిర్వహించే యోచనలో కేంద్ర జలవనరుల మంత్రిత్వ శాఖ ఉంది. గత ఏడాది సెప్టెంబర్‌లో ఇరు రాష్ట్రాల సిఎంల సమావేశం జరిగింది.

అమరావతి, అక్టోబర్ 1: ఇంధన శాఖాధికారులు సమర్థ విద్యుత్ వినియోగ ఉపకరణాల ప్యాకేజీని ప్రజలకు సరసమైన ధరలకు అందించడంపై దృష్టి సారించాలని సిఎం చంద్రబాబు ఆదేశించారు. ఇందుకు అవసరమైన ప్యాకేజీ పథకానికి 15 రోజుల్లో కార్యాచరణ సిద్ధం చేయాలన్నారు. ప్యాకేజీలో ఇచ్చే ఉపకరణాలు విద్యుత్ సమర్థ వినియోగం ద్వారా బిల్లులు తగ్గించేలా ఉండాలని సూచించారు.