ఖమ్మం, సెప్టెంబర్ 19: సింగరేణి గుర్తింపు సంఘం ఎన్నికల్లో విజయం సాధించాలనే పట్టుదలతో ఉన్న ప్రధాన కార్మిక సంఘాలు తమ పార్టీలను ప్రచార రంగంలోకి దింపాయి. తమ అనుబంధ కార్మిక సంఘాలను గెలిపించుకునేందుకు అన్ని రాజకీయ పార్టీల నేతలు వ్యూహాత్మకంగా పావులు కదుపుతున్నారు.

తిరుపతి, సెప్టెంబర్ 19: దేశంలోని బిసిలను అణచివేయాలని చూసినా, అన్యాయం చేయాలనుకున్నా మరో విప్లవం పుడుతుందని బిసి సంక్షేమ సంఘం జాతీయ అధ్యక్షుడు ఆర్.కృష్ణయ్య హెచ్చరించారు. మంగళవారం తిరుపతిలో బిసి సంక్షేమ సంఘం రాష్ట్ర పొలిట్‌బ్యూరో సమావేశం జరిగింది. ఈ సమావేశ తీర్మానాలను ఆర్.కృష్ణయ్య మీడియా సమావేశంలో వివరించారు.

ఖమ్మం, సెప్టెంబర్ 19: జాతిపిత మహాత్మాగాంధీ ఆకాంక్షలకు అనుగుణంగా అక్టోబర్ 2వ తేదీన గాంధీ జయంతిని పురస్కరించుకొని దేశవ్యాప్తంగా నిర్వహించతలపెట్టిన స్వచ్ఛతే సేవా కార్యక్రమంలో పాలుపంచుకోవాలని పద్మశ్రీ అవార్డు గ్రహీత, వనజీవి దరిపల్లి రామయ్యకు ఆహ్వానం పలుకుతూ ప్రధాని నరేంద్రమోదీ లేఖ రాశారు. వన సంరక్షణ, పర్యావరణాన్ని పరిరక్షించడంలో రామయ్య తనకు తానే సాటి.

హైదరాబాద్, సెప్టెంబర్ 19: కృష్ణా పరివాహక ప్రాంతంలో ప్రస్తుతం నీటి కొరత ఏర్పడిన నేపథ్యంలో గోదావరి జలాలు వాడుకునే అవకాశం ఉండేలా ఇంటర్ కనెక్టెడ్ గ్రిడ్ ఏర్పాటు సాధ్యాసాధ్యాలపై అధ్యయనం చేయాలని అధికారులను మున్సిపల్ మంత్రి కె తారకరామారావు ఆదేశించారు. అధ్యయన నివేదికను వారంలో సమర్పించాలన్నారు. జలమండలి, హైదరాబాద్ మెట్రో డవలప్‌మెంట్ అథారిటీ ప్రాజెక్టులపై మంగళవారం అధికారులతో మంత్రి సమీక్ష నిర్వహించారు.