హిందూపురం, సెప్టెంబర్ 18: లైంగిక వివక్షను రూపుమాపేందుకు కలిసికట్టుగా పోరాటం సాగిద్దామని ప్రముఖ సామాజిక సేవకుడు, నోబెల్ శాంతి బహుమతి గ్రహీత కైలాష్ సత్యార్థి పిలుపునిచ్చారు. ప్రధానంగా బాలల హక్కుల పరిరక్షణ పట్ల ప్రతి ఒక్కరూ బాధ్యతగా వ్యవహరించాలన్నారు. బాలల హక్కుల పరిరక్షణ కోసం సత్యార్థి చేపట్టిన భారతదేశ యాత్ర సోమవారం కర్నాటక రాజధాని బెంగళూరు నుండి ఆంధ్రప్రదేశ్ రాష్ట్రంలోకి అడుగుపెట్టింది.

హైదరాబాద్, సెప్టెంబర్ 18: ఆంధ్రప్రదేశ్, తెలంగాణ ఉమ్మడి హైకోర్టుకు ఆరుగురు న్యాయమూర్తులను నియమిస్తూ రాష్టప్రతి రామ్‌నాధ్ కోవింద్ సోమవారం ఆమోద ముద్ర వేశారు. కొత్తగా డివిఎస్‌ఎస్ సోమయాజులు, పొట్లపల్లి కేశవరావు, మంతోజు గంగారావు, అభినంద్ కుమార్ షావిలి, తొడుపునూరి అమర్‌నాథ్ గౌడ్, కొంగర విజయలక్ష్మిలను న్యాయమూర్తులుగా నియమించారు. ఈ నెల 21న కొత్త న్యాయమూర్తులు బాధ్యతలు స్వీకరించే అవకాశం ఉందని తెలిసింది.

హైదరాబాద్, సెప్టెంబర్ 18: సంచలనం సృష్టించిన ఆయేషా మీర హత్య కేసును పోలీసులు తప్పుదారి పట్టించారని ఆమె తల్లిదండ్రులు సోమవారం నాడు హైకోర్టులో పేర్కొన్నారు. తాత్కాలిక ప్రధానన్యాయమూర్తి జస్టిస్ రమేష్ రంగనాధన్, జస్టిస్ జె ఉమాదేవిలతో కూడిన డివిజన్ బెంచ్ ముందు ఆయేషా తల్లిదండ్రులు ఇక్బాల్ బాషా, శంషాద్ బేగంలు హాజరయ్యారుఈ మేరకు వారి వాదనను న్యాయవాది డి సురేష్‌కుమార్ డివిజన్ బెంచ్ ముందు వినిపించారు.

విశాఖపట్నం, సెప్టెంబర్ 17: పశ్చిమ మధ్య బంగాళాఖాతంలో 3.1 కిలోమీటర్ల ఎత్తున ఉపరితల ఆవర్తనం ఏర్పడిందని విశాఖ వాతావరణ పరిశోధన కేంద్రం అధికారులు ఆదివారం రాత్రి తెలిపారు. దీని ప్రభావంతో రెండు తెలుగు రాష్ట్రాల్లో రాగల 24 గంటల్లో ఒక మోస్తరు నుంచి పలు చోట్ల సాధారణ వర్షాలు కురిసే అవకాశం ఉందన్నారు.