హైదరాబాద్, జూన్ 23: ఓటుకు ఐదు వేల రూపాయలు ఇవ్వగలనన్న ఎపి ముఖ్యమంత్రి చంద్రబాబు నాయుడును అరెస్టు చేసి జైలుకు పంపించాలని వైఎస్సార్ కాంగ్రెస్ పార్టీ ప్రధాన కార్యదర్శి భూమన కరుణాకర్ రెడ్డి డిమాండ్ చేశారు. గతంలో తెలంగాణలో ఓటు కోసం ఒక ఎమ్మెల్సీకి ఐదు కోట్ల రూపాయలు ఇచ్చే ప్రయత్నం చేసిన చంద్రబాబు ఇప్పుడు ఓటర్లకు ఐదు వేల రూపాయల చొప్పున ఇవ్వగలనని అనడం దారుణమని భూమన శుక్రవారం విలేఖరుల సమావేశంలో అన్నారు.

చేవెళ్ల/ షాబాద్, జూన్ 23: రంగారెడ్డి జిల్లా చేవెళ్ల మండల పరిధిలోని ఇక్కారెడ్డిగూడా గ్రామంలో బోరు బావిలో పడిన చిన్నారి పరిస్థితి విషమంగా ఉండటంతో ఉత్కంఠ నెలకొంది. ప్రమాదంలో ఇరుక్కుని 24 గంటలు గడవటంతో పాప పరిస్థితి ఆందోళనకరంగా మారింది. గురువారం సాయంత్రం నుంచి అధికారులు నిరంతరంగా నాలుగు ఇటాచీలతో బోరుబావికి సమాంతరంగా తవ్వకాలు జరుపుతున్న ఎలాంటి ఫలితం లేకపోయింది.

సామర్లకోట, జూన్ 23: తల్లిదండ్రులే ఇద్దరు కుమార్తెలకు కూల్‌డ్రింకులో విషంకలిపి తాగించి కడతేర్చిన విషాద ఘటన తూర్పు గోదావరి జిల్లా సామర్లకోటలో శుక్రవారం వెలుగుచూసింది. విజయనగరం జిల్లా పార్వతీపురం సమీపంలోని బెల్గాం ప్రాంతానికి చెందిన కోడూరి సత్యనారాయణ విశాఖపట్నంలోని పెద వాల్తేరులో సెలూన్ షాపు నిర్వహిస్తున్నాడు.

హైదరాబాద్, జూన్ 22: సమాజంలో అధర్మం పెరిగితే భగవంతుడు భువిపై అవతారమెత్తుతాడని విశాఖ శారదాపీఠాధిపతి స్వరూపానందేంద్రస్వామి పేర్కొన్నారు. రిషికేష్‌లోని శారదాపీఠం భవనంలో గీతాచార్యుల (శ్రీకృష్ణుడి) విగ్రహాన్ని గురువారం ఆయన ప్రతిష్టించారు. ఈ సందర్భంగా భక్తులను ఉద్దేశించి మాట్లాడుతూ, ఎక్కడైతే అధర్మం పెరిగిపోతుందో అక్కడ భగవంతుడు అవతరిస్తారన్నారు.