తిరుపతి, మార్చి 29: తెలుగు నూతన సంవత్సరాది అయిన శ్రీ హేమలంబ నామ ఉగాది వేడకలు తిరుమల శ్రీవారి ఆలయంలో బుధవారం వైభవంగా జరిగాయి. ఉదయం 7 నుంచి 9గంటల వరకు నడుమ ఉగాది ఆస్థానం ఆగమోక్తంగా జరిగింది. ఇందులో భాగంగా శ్రీవారి ఉత్సవర్లను బంగారువాకిలిలో సర్వభూపాల వాహనంపై గరుడాళ్వారుకు అభిముఖంగా కూర్చోబెట్టారు.

హైదరాబాద్, మార్చి 28: గౌతమీ పుత్ర శాతకర్ణి, రుద్రమదేవి తెలుగు సినిమాలకు ఆంధ్ర, తెలంగాణ ప్రభుత్వాలు వినోదం పన్ను నుంచి మినహాయింపు ఇవ్వడాన్ని సవాలు చేస్తూ దాఖలైన పిటిషన్‌పై రెండు రాష్ట్ర ప్రభుత్వాలకు హైకోర్టు నోటీసులు జారీ చేసింది. సినీ ప్రేక్షకుల సంఘం తరపున ఎం వేణుగోపాలరావు దాఖలు చేసిన పిటిషన్‌ను హైకోర్టు ధర్మాసనం విచారించింది.

హైదరాబాద్, మార్చి 28: ఒక్క గ్రేటర్ పరిధిలోనే ఈ ఏడాది లక్ష ఇళ్లు పూర్తి చేస్తామని గృహ నిర్మాణ మంత్రి ఇంద్రకరణ్‌రెడ్డి, మున్సిపల్ వ్యవహారాల మంత్రి కె తారక రామారావు ప్రకటించారు. నగరంలో డబుల్ బెడ్‌రూమ్ ఇళ్ల నిర్మాణంపై మంత్రులు మంగళవారం సమీక్ష నిర్వహించారు. రంగారెడ్డి, హైదరాబాద్, మేడ్చల్, జిల్లాల కలెక్టర్లు, జంట నగరాల ఎమ్మెల్యేలు, గృహ నిర్మాణ శాఖ, జిహెచ్‌ఎంసి అధికారులు పాల్గొన్నారు.

రాజమహేంద్రవరం, మార్చి 28: ధాన్యాగారాలుగా పేరొందిన గోదావరి జిల్లాలు ప్రస్తుతం మొక్కజొన్న వైపు మొగ్గుచూపుతున్నాయి. మెట్టలో చాలాకాలం క్రితమే మొదలైన మొక్కజొన్న సాగు, ఇప్పుడు లంకలకు విస్తరిస్తోంది. మెట్ట సాగు ఎగుమతులపై ఆధారపడితే, లంకల్లో సాగవుతోన్న స్వీట్‌కార్న్ స్థానిక అవసరాలకే సరిపోతుండటం విశేషం. అప్పట్లో కేవలం సాధారణ రకం మొక్కజొన్న మాత్రమే సాగు జరిగేది.