భద్రాచలం, మార్చి 26: శ్రీరామనవమి రోజు వివిఐపీలు, విఐపీల పర్యటన, కల్యాణ మండపంలోకి వారు వచ్చే సమయ సమాచారాన్ని ముందుగానే తీసుకోవాలని రాష్ట్ర రోడ్లు, భవనాల శాఖ మంత్రి తుమ్మల నాగేశ్వరరావు అధికారులను ఆదేశించారు. భద్రాద్రి కొత్తగూడెం జిల్లా భద్రాచల శ్రీ సీతారామచంద్రస్వామి తిరుకల్యాణ బ్రహ్మోత్సవాల నిర్వహణపై ఆదివారం ఆయన చిత్రకూట మండపంలో సమీక్ష సమావేశం నిర్వహించారు.

హైదరాబాద్, మార్చి 26:తెలంగాణ రాష్ట్ర సమితి కార్యవర్గంలో భారీ మార్పులు చోటు చేసుకోనున్నాయి. ముఖ్యమంత్రి తనయుడు, రాష్ట్ర మంత్రి కెటిఆర్‌కు పార్టీ వర్కింగ్ ప్రెసిడెంట్ లేదా ప్రధాన కార్యదర్శి పదవి అప్పగించనున్నారు. రానున్న ఎన్నికలను దృష్టిలో ఉంచుకోవడంతోపాటు తన వారసుడిగా తనయుణ్ని నిలబెట్టే చర్యల్లో భాగంగా ముఖ్యమంత్రి ఈ నిర్ణయం తీసుకున్నట్టు సమాచారం.

విజయవాడ, మార్చి 26: విజయవాడ రవాణా శాఖ కార్యాలయం వద్ద శనివారం జరిగిన దౌర్జన్యంపై ముఖ్యమంత్రి చంద్రబాబు నాయుడు తీవ్రంగా స్పందించారు. ఆ ఘటనతో ప్రమేయం ఉన్న తెలుగుదేశం పార్టీ నేతలపై ఆగ్రహం వ్యక్తం చేశారు. రవాణా శాఖాధికారులతో ఎంపి కేశినేని శ్రీనివాస్ (నాని), ఎమ్మెల్యే బొండా ఉమామహేశ్వరరావు, ఎమ్మెల్సీ బుద్దా వెంకన్న వ్యవహరించిన తీరుపై ఆయన సమాచారం తెప్పించుకున్నారు.

హైదరాబాద్, మార్చి 25: హైదరాబాద్ మహా నగర మున్సిపల్ కార్పొరేషన్ (జిహెచ్‌ఎంసి) పరిధిలోని బ్రాహ్మణ నిరుద్యోగ యువతీయువకుల కోసం ‘జాబ్‌మేళా- 2017’ ను ఆదివారం ఏర్పాటు చేస్తున్నారు. తెలంగాణ రాష్ట్ర బ్రాహ్మణ సంక్షేమ పరిషత్ నేతృత్వంలో మొట్టమొదటి కార్యక్రమంగా నిర్వహిస్తున్న ఈ జాబ్‌మేళా ‘పైలట్‌ప్రాజెక్టు’గా చేపడుతున్నామని పరిషత్ చైర్మన్ కెవి రమణాచారి తెలిపారు. శనివారం ఈ మేరకు ఒక ప్రకటన విడుదల చేశారు.