హైదరాబాద్, నవంబర్ 16: రద్దయిన పెద్ద నోట్ల మార్పిడి కోసం వారం రోజులుగా ఆర్‌బిఐ వద్ద భారీ క్యూ కొనసాగుతోంది. నోట్ల మార్పిడి కోసం గంటల తరబడి నిరీక్షించాల్సి వస్తోంది. కొత్త నోట్లు తీసుకున్నా.. చిల్లర బాధలు తప్పడం లేదు. ఆసుపత్రుల్లో, మెడికల్ షాపుల్లో పాత నోట్లు, డెబిట్ కార్డులతో చెల్లింపులు జరుపుకోవచ్చని ప్రభుత్వం ప్రకటించినప్పటికీ, ఆసుపత్రులు, మెడికల్ షాపుల యజమానులు వాటిని తిరస్కరిస్తున్నారు.

విజయవాడ, నవంబర్ 16: కేంద్ర ప్రభుత్వ మార్గదర్శకాల్లోని లోపాల ఆసరాతో రద్దయిన కరెన్సీ నోట్లను యథ్ఛేచ్ఛగా మారుకుంటున్న నల్ల కుబేరులకు ఇంకు చుక్కతో చెక్ పెట్టే ప్రక్రియకు కేంద్ర ప్రభుత్వం శ్రీకారం చుట్టింది. నిబంధనల మేరకు నోట్ల మార్పడికి అదీ బ్యాంక్ ఖాతాలు లేనివారి కోసం ఐదు రకాల గుర్తింపు కాపీలను అందజేస్తే నాలుగు వేల రూపాయల వరకు నోట్లను మార్చుకునే వీలుంది.

హైదరాబాద్, నవంబర్ 15: ఓటుకు నోటు కేసులో తమ వాదనలు వినకుండా తదుపరి దర్యాప్తు చేయాలని ప్రత్యేక కోర్టు జారీ చేసిన ఆదేశాల్లో తప్పులున్నాయని మంగళవారం ఏసిబి హైకోర్టుకు నివేదించింది. ఈ కేసులో ప్రత్యేక న్యాయస్థానానికి వైకాపా ఎమ్మెల్యే ఆళ్ల రామకృష్ణారెడ్డి ఫిర్యాదు చేశారని ఏసిబి తెలిపింది. ఈ కేసును జస్టిస్ సునీల్ చౌదరి విచారించారు.

హైదరాబాద్, నవంబర్ 15: ప్రయాణికుల సౌకర్యార్థం రైల్వే బోగీల ఆధునికీకరణకు తగు చర్యలు తీసుకుంటున్నట్టు దక్షిణ మధ్య రైల్వే జనరల్ మేనేజర్ రవీంద్రగుప్తా తెలిపారు. మంగళవారం సికిందరాబాద్ జోన్ పరిధిలోని లాలాగూడ వర్క్‌షాపును ఆయన తనిఖీ చేశారు. వర్కుషాపునకు అధునాతన సాంకేతికతను సమకూర్చుకోవాలని, రైలు బోగీల నిర్వహణకు సంబంధించి ప్రయాణికుల సౌకర్యాన్ని దృష్టిలో పెట్టుకోవాలని ఆయన అధికారులకు సూచించారు.