హైదరాబాద్, నవంబర్ 13: తెలంగాణ రాష్ట్ర పబ్లిక్ సర్వీస్ కమిషన్ (టిఎస్‌పిఎస్‌సి) ఆదివారం నిర్వహించిన గ్రూప్-2 మూడు, నాలుగు పేపర్ల పరీక్షలు ప్రశాంతంగా పూర్తయింది. మొత్తం 7,89,437 మంది అభ్యర్థులు దరఖాస్తు చేసుకోగా, వీరిలో 6.93 లక్షల మంది అభ్యర్థులు హాల్‌టిక్కెట్లను డౌన్‌లోడ్ చేసుకున్నారు. వీరిలో 4.98 లక్షల మంది అభ్యర్థులు ఆదివారం జరిగిన పరీక్షలకు హాజరయ్యారు.

హైదరాబాద్, నవంబర్ 13: దేశంలో అడవులు, వన్యప్రాణి సంరక్షణ కోసం కేంద్రం వచ్చే 14 సంవత్సరాలకు ఒక రోడ్‌మ్యాప్‌ను ఖరారు చేయనుంది. దేశంలో అడవుల్లో రక్షిత ప్రాంతాల సంఖ్యను పెంచేందుకు, అడవుల్లో వన సంపద, వన్యప్రాణులు స్మగ్లర్ల బారిన పడకుండా చేసేందుకు సమగ్ర ప్రణాళికను ఆధునిక టెక్నాలజీతో రూపొందించాలని కేంద్ర అడవుల శాఖ నిర్ణయించింది. దీనికి అన్ని రాష్ట్రప్రభుత్వాలు సహకరించాలని లేఖలు రాసింది.

హైదరాబాద్, నవంబర్ 13: సమాజంలో జరుగుతున్న అభివృద్ధి ఫలాలు అందరికీ సమానంగా అందాల్సి ఉందని తెలంగాణ రాష్ట్ర ఆర్థిక మంత్రి ఈటల రాజేందర్ పేర్కొన్నారు. తెలంగాణ చార్టెడ్ అకౌంటెంట్ (సిఎ) ఫోరంను హైదరాబాద్ (సనత్‌నగర్)లో ఆదివారం ఆయన ప్రారంభించారు. పన్ను మదింపు విషయంలో దేశం ఇంకా ప్రాథమిక దశలోనే ఉందని, సోయి లేకుండా మనం జీవిస్తున్నామని ఆవేదన వ్యక్తం చేశారు.

కర్నూలు, నవంబర్ 13: కర్నూలు జిల్లాలో నల్లకుబేరులు ప్రజలకు బంపర్ ఆఫర్ ఇచ్చినట్లు ప్రచారం జరుగుతోంది. ఈ క్రమంలో కొత్త రూ. 2000 నోటు ఇస్తే రూ. 2,500(పాతవి ఐదు రూ. 500నోట్లు) ఇస్తున్నట్లు తెలుస్తోంది. రూ. 1000, రూ. 500 నోట్లను రద్దు చేసినట్లు కేంద్ర ప్రభుత్వం ప్రకటించడంతో సామాన్యులు తమవద్ద ఉన్న ఆయా నోట్లను తీసుకెళ్లి గంటల తరబడి క్యూలో నిల్చొని మార్పిడి చేసుకున్నారు. అయితే బ్యాంకర్లు రూ.