హైదరాబాద్‌ : రంగారెడ్డి జిల్లాలోని శంకర్‌పల్లి రిసార్ట్‌లో దారుణ హత్యకు గురైన డిగ్రీ విద్యార్థిని శిరీష కేసు వివరాలను శంషాబాద్‌ డీసీపీ పద్మజ మీడియాకు వివరించారు. తనకు దక్కని శిరీష ఇంకెవరికీ దక్కకూడదనే కోపంతోనే సాయిప్రసాద్‌ ఈ దారుణానికి పాల్పడినట్లు తెలిపారు. చేవెళ్ల ఏసీపీ కార్యాలయంలో శుక్రవారం ఆమె ప్రెస్‌మీట్‌లో ఈ కేసుకు సంబంధించిన వివరాలను వెల్లడించారు.

కరీంనగర్‌: ముఖ్యమంత్రి కేసీఆర్‌ ప్రచార ఆర్భాటంతో ప్రజాధనం దుర్వినియోగం చేస్తున్నారని మాజీ ఎంపీ పొన్నం ప్రభాకర్‌ మండిపడ్డారు. కాంగ్రెస్‌ పార్టీని తిట్టడానికే ‘రైతుబంధు’ కార్యక్రమం పెట్టినట్టు ఉందని ఎద్దేవా చేశారు. ఆయన శుక్రవారం మీడియాతో మాట్లాడుతూ కరీంనగర్‌ జిల్లా సెంటిమెంట్‌గా భావించే కేసీఆర్‌, జిల్లాకు చేసిన మేలేంటో చెప్పాలని డిమాండ్‌ చేశారు.

విశాఖ : ఒడిషా చుట్టు పక్కల ప్రాంతాల్లో ఏర్పడిన ద్రోణి ప్రభావం ఉత్తర కోస్తాపై పడనుంది. శుక్ర, శనివారాల్లో ఉత్తరకోస్తాలోని శ్రీకాకుళం, విజయనగరం, విశాఖపట్నం, ఉభయ గోదావరి జిల్లాలో అక్కడక్కడ భారీ వర్షాలు కురిసే అవకాశం ఉందని భారత వాతావరణ విభాగం(ఐఎండీ) ఓ ప్రకటనలో పేర్కొంది.

దేవీపట్నం: పాపికొండల యాత్రకు వెళ్లిన ఓ పడవలో మంటలు చెలరేగాయి. విద్యుత్ షార్ట్ సర్క్యూట్ వల్ల ఈ మంటలు చెలరేగినట్లు అధికారులు గుర్తించారు. పోశమ్మ గుడి నుంచి బయలుదేరిన కొద్ది సమయం వ్యవధిలోనే మంటలు చెలరేగాయి. స్థానికులు గుర్తించి వెంటనే ఈదుకుంటూ వచ్చి ప్రయాణీకులను రక్షించారు. పడవలో 80మంది ప్రయణీకులు ఉన్నారు. వీరిలో కొంతమందికి స్వల్ప గాయాలు అయ్యాయి. మరికొందరు సొమ్మసిల్లి పడిపోయారు.