భూపాలపల్లి: జిల్లాలో కాళేశ్వరంలో విషాదం చోటుచేసుకుంది. పురుగుల మందు తాగి ప్రేమజంట ఆత్మాహత్యాయత్నం చేసింది. హన్మకొండ హంటర్‌ రోడ్డుకు చెందిన మేరుగు హరిప్రియ, పెండ్యాల సాయికుమార్ ప్రేమించుకుంటున్నారు. ఈ క్రమంలో సోమవారం రాత్రి వీరు ఆత్మహత్యాయత్నం చేయగా.. హరిప్రియ మృతి చెందింది. ప్రియుడి పరిస్థితి విషమంగా ఉంది. అతడిని వరంగల్‌ ఎంజీఎం ఆస్పత్రికి తరలించి చికిత్స అందిస్తున్నారు.

విజయవాడ: ఆంధ్రప్రదేశ్‌కు కేంద్ర ప్రభుత్వ నిధుల విషయంలో ముఖ్యమంత్రి చంద్రబాబునాయుడు మాట మారుస్తున్నారని బీజేపీ ఎమ్మెల్సీ, సీనియర్‌ నేత సోము వీర్రాజు మండిపడ్డారు.మంగళవారం ఆయన విజయవాడలో విలేకరులతో మాట్లాడుతూ పోలవరం ప్రాజెక్టుకు కేంద్ర ప్రభుత్వం ఇప్పటివరకు 5 వేల కోట్లు ఇచ్చిందని, కేంద్రప్రభుత్వం ఇప్పటివరకు ఇచ్చిన నిధులు ఎక్కడ ఖర్చుచేశారో చెప్పాలని ఆయన డిమాండ్ చేశారు.

మిర్యాలగూడ : నల్గొండ జిల్లా తిరుమలగిరి(సాగర్) మండలంలో కాంగ్రెస్‌ పార్టీకి చెందిన చింతలపాలెం గ్రామ ఉపసర్పంచి ధర్మానాయక్‌ దారుణహత్యకు గురయ్యారు.మిర్యాలగూడ డీఎస్పీ శ్రీనివాస్‌ ఘటనాస్థలానికి చేరుకుని విచారణ చేశారు. రాజకీయ కోణంతో పాటు పాత కక్షలు ఏమైనా ఉన్నాయా అనే కోణంలో దర్యాప్తు చేపట్టారు. ధర్మానాయక్‌ ఇద్దరు భార్యలు. దీంతో ఈ హత్య వెనుక కుటుంబ కలహాల నేపధ్యం ఏమైనా ఉందా?

హైదరాబాద్, ఫిబ్రవరి 12: హైదరాబాద్‌తో సహా తెలంగాణలోని వివిధ పట్టణాలు, గ్రామాల్లో ఒకవైపు రోడ్లు వేస్తుంటే, మరోవైపు ఏదో ఒక ఏజెన్సీ సదరు రోడ్డును తవ్వేస్తోంది. ప్రైవేట్ సంస్థలు జరిపిన సర్వే అంచనాల ప్రకారం మంచిరోడ్లను ఏదో ఒక పనిపేరుతో తవ్వకం వల్ల ప్రభుత్వానికి ఏటా దాదాపు 200 కోట్ల రూపాయల వరకు నష్టం వస్తోంది.