శ్రీశైలం, ఫిబ్రవరి 10: శ్రీశైలంలో జరుగుతున్న మహాశివరాత్రి బ్రహ్మోత్సవాల్లో భాగంగా శనివారం స్వామి, అమ్మవార్లకు రావణ వాహనసేవ నిర్వహించారు. ఉదయం అక్కమహాదేవి మండపంలో అందంగా అలంకరించిన స్వామి, అమ్మవార్ల ఉత్సవమూర్తులకు ప్రత్యేక పూజలు నిర్వహించారు. అనంతరం రావణవాహనంపై ఆది దంపతులను ఆశీనులను చేయించి పూజలు నిర్వహించారు. సాయంత్రం ప్రత్యేక పూజలు, హారతి అనంతరం గ్రామోత్సవం నిర్వహించారు.

హైదరాబాద్, ఫిబ్రవరి 10: రాష్ట్రంలో ప్రజాస్వామ్యం ప్రమాదంలో ఉందని, మానవ హక్కుల ఉల్లంఘన యధేచ్చగా జరుగుతున్నదని టీపీసీసీ అధ్యక్షుడు ఎన్. ఉత్తమ్‌కుమార్ రెడ్డి ఆందోళన వ్యక్తం చేశారు. శనివారం అఖిల భారత ప్రొఫెషనల్స్ కాంగ్రెస్ 6 కొత్త చాప్టర్లను లాంఛనంగా ప్రారంభించారు. ఈ సందర్భంగా మాట్లాడుతూ వచ్చే ఎన్నికలకు రూపొందించే పార్టీ ప్రణాళికలో ప్రొఫెషనల్స్ కాంగ్రెస్ సలహాలు తీసుకుంటామన్నారు.

భీమవరం, ఫిబ్రవరి 10: రానున్న రోజుల్లో సీపీఎంకు పూర్వవైభవం రావడం ఖాయమని పార్టీ జాతీయ ప్రధాన కార్యదర్శి సీతారాం ఏచూరీ ధీమా వ్యక్తం చేశారు. దేశ ఉజ్వల భవిష్యత్తు కోసం వామపక్ష ప్రజాతంత్ర సామాజిక శక్తుల ఐక్యతే ప్రత్యామ్నాయమని ఆయన ప్రకటించారు. సీపీఎం పార్టీ ఏర్పడిన తర్వాత పశ్చిమగోదావరి జిల్లా భీమవరంలో తొలిసారిగా 25వ రాష్ట్ర మహాసభలు శనివారం ప్రారంభమయ్యాయి.

రాజమహేంద్రవరం, ఫిబ్రవరి 10: రాష్ట్రంలో 2019 నాటికి రూ. 50 వేల కోట్లతో 19 లక్షల ఇళ్లను నిర్మించాలని ప్రభుత్వం నిర్ణయించిందని రాష్ట్ర సమాచార, గ్రామీణ గృహ నిర్మాణ శాఖ మంత్రి కాల్వ శ్రీనివాసులు వెల్లడించారు. తూర్పుగోదావరి జిల్లాలో పలు కార్యక్రమాల్లో పాల్గొనేందుకు శనివారం రాజమహేంద్రవరం వచ్చిన మంత్రి మీడియా సమావేశంలో మాట్లాడారు. అనంతరం గృహ నిర్మాణంపై అధికారులతో సమీక్షా సమావేశాన్ని నిర్వహించారు.