హైదరాబాద్, జనవరి 25: కోడిపందేల కేసుకు సంబంధించి హైకోర్టుకు ఈ నెల 29వ తేదీన హాజరుకాకుండా ఆంధ్ర డిజిపికి మినహాయింపు ఇస్తూ హైకోర్టు ఆదేశాలు జారీ చేసింది. పశ్చిమగోదావరి జిల్లాకు చెందిన కలిదిండి రామచంద్రరాజు అనే వ్యక్తి కోడిపందేలపై హైకోర్టులో దాఖలు చేసిన పిటిషన్‌ను తాత్కాలిక ప్రధానన్యాయమూర్తి జస్టిస్ రమేష్ రంగనాథన్, జస్టిస్ ఎం గంగారావుతో కూడిన ధర్మాసనం విచారించింది.

తిరుపతి, జనవరి 24: సూర్యజయంతిని పురస్కరించుకుని తిరుమలలో రథసప్తమి ఉత్సవం బుధవారం అంగరంగ వైభవంగా జరిగింది. శ్రీవారి బ్రహ్మోత్సవాలను తలపించేలా తిరుమల క్షేత్రం భక్తజన సందోహంతో కిటకిటలాడింది. ప్రతి ఏటా మాఘశుద్ధ సప్తమినాడు ఈ ఉత్సవాన్ని తిరుమలలో అత్యంత వైభవంగా నిర్వహిస్తారు.

హైదరాబాద్, జనవరి 23: ఆంధ్ర, తెలంగాణ రాష్ట్రాల్లో విద్యార్థులు చదువుల వత్తిడితో మానసిక ఆందోళనకు గురై ఆత్మహత్యలకు పాల్పడడంపై ఆందోళన వ్యక్తం చేస్తూ ఈ కేసులో ఆంధ్ర, తెలంగాణ ప్రభుత్వాలతో పాటు నారాయణ, శ్రీచైతన్య కాలేజీల యాజమాన్యాలకు హైకోర్టు నోటీసులు జారీ చేసింది. ఈ కేసును హైకోర్టు తాత్కాలిక ప్రధాన న్యాయమూర్తి జస్టిస్ రమేష్ రంగనాథన్, జస్టిస్ ఎం గంగారావు విచారించారు.

హైదరాబాద్, జనవరి 23: ఆంధ్ర, తెలంగాణ రాష్ట్రాల్లో ఎస్‌ఎస్‌సి, ఇంటర్మీడియట్ పబ్లిక్ పరీక్షల్లో మాస్ కాపీయింగ్ జరగడంపై హైకోర్టు ఆందోళన వ్యక్తం చేసింది. మాస్ కాపీయింగ్‌ను అరికట్టేందుకు చర్యలు తీసుకోకపోతే, విద్యా ప్రమాణాలు దిగజారుతాయని హైకోర్టు పేర్కొంది. ఇన్విజలేటర్లు మాస్ కాపీయింగ్‌ను నిరోధించని పక్షంలో క్రిమినల్ చర్యలు తీసుకుంటామని తెలంగాణ ప్రభుత్వం హైకోర్టుకు తెలిపింది.