హైదరాబాద్, జూన్ 8: ఈ నెల 21న గచ్చిబౌలి స్టేడియం లో అంతర్జాతీయ యోగా దినోత్సవాన్ని నిర్వహిస్తున్నట్లు తెలంగాణ ఆయుష్ శాఖ ఇన్‌చార్జి డైరెక్టర్ డాక్టర్ ఎ.రాజేందర్ రెడ్డి తెలిపారు. ఆ రోజు సామూహిక యోగా ప్రదర్శన ఉం టుందని, వైద్య ఆరోగ్య శాఖ మంత్రి డాక్టర్ సి.లక్ష్మారెడ్డి, అధికారులు ఈ యోగ దినోత్సవంలో పాల్గొంటారని తెలిపారు.

హైదరాబాద్, జూన్ 7: గిరిజన సంప్రదాయానికి నిలువెత్తు ప్రతిరూపమైన మేడారం సమ్మక్క, సారక్క జాతరను అంతర్జాతీయ స్థాయిలో నిర్వహించేందుకు ప్రభుత్వం నిర్ణయించిందని రాష్ట్ర గిరిజన, పర్యాటక, సాంస్కృతిక శాఖ మంత్రి అజ్మీరా చందూలాల్ తెలిపారు. వచ్చే ఏడాది జనవరి 31 నుంచి ప్రారంభమయ్యే జాతర ఏర్పాట్లను మంత్రి బుధవారం వివిధ శాఖల అధికారులతో సమీక్షించారు.

హైదరాబాద్, జూన్ 7: రాష్ట్రంలో కెసిఆర్ ప్రభుత్వం స్కాంల ప్రభుత్వంగా మారిందని, ఇంతవరకు బహిర్గతమై అన్ని కుంభకోణాలపై సిబిఐ చేత విచారణ జరిపించాలని టిపిసిసి అధ్యక్షుడు ఉత్తమ్ కుమార్ రెడ్డి డిమాండ్ చేశారు. బుధవారం ఇక్కడ గాంధీభవన్‌లో ఏర్పాటు చేసిన విలేఖర్ల సమావేశంలో ఆయన మాట్లాడుతూ మియాపూర్ భూస్కాం రోజుకోమలుపుతిరుగుతోందని, కాని ప్రభుత్వం మాత్రం పెదవి విప్పడం లేదన్నారు.

హైదరాబాద్, జూన్ 6: రాష్ట్రంలో 119 బిసి గురుకుల పాఠశాలలు ఈ నెల 12 నుంచి ప్రారంభం అవుతాయని, వీటివల్ల 41,863 మంది విద్యార్థులకు ప్రయోజనం కలుగుతుందని బిసి సంక్షేమ శాఖ మంత్రి జోగు రామన్న తెలిపారు. పూలే బిసి గురుకుల పాఠశాలలను 12న లాంఛనంగా ప్రారంభించనున్నట్టు చెప్పారు. పాఠశాలల ప్రారంభోత్సవంపై మంత్రి జోగు రామన్న 31 జిల్లాల కలెక్టర్లతో టెలికాన్ఫరెన్స్ నిర్వహించారు.