హైదరాబాద్: దీర్ఘకాలిక వ్యాధుల నివారణలో యునానీ అద్భుతంగా పనిచేస్తుందని కేంద్ర హోంశాఖ సహాయ మంత్రి జీ కిషన్ రెడ్డి అన్నారు. ఆదివారం ఇక్కడి ఎర్రగడ్డ యూనానీ ఆసుపత్రిలో జాతీయ చర్మ వ్యాధుల యునానీ చర్మ వ్యాధుల వైద్య పరిశోధన సంస్థను ఆయన ప్రారంభించారు. కేంద్ర ఆరోగ్య శాఖ మంత్రి శ్రీపాద యశోనాయక్, జీ కిషన్ రెడ్డి కలిసి ఆసుపత్రిలో ఔషధ మొక్కలను నాటారు. అనంతరం పరిశోధనా సంస్థ నూతన బ్లాక్‌ను ప్రారంభించారు.

హైదరాబాద్, నవంబర్ 3: ఆర్టీసీ సమ్మె పట్ల ప్రభుత్వ వైఖరిలో మార్పు లేకపోగా విధుల్లో చేరడానికి మరో అవకాశం కల్పిస్తున్నట్టు ముఖ్యమంత్రి కేసీఆర్ ప్రకటించడంతో అక్కడక్కడ స్పందన కనిపిస్తోంది. రాష్ట్ర వ్యాప్తంగా ఆదివారం పలు జిల్లాల్లో విధుల్లో చేరడానికి సుముఖత వ్యక్తం చేస్తూ ఆర్టీసీ డ్రైవర్లు, కండక్టర్లతో పాటు వివిధ కేడర్లకు చెందిన ఉద్యోగులు ముం దుకు వచ్చారు.

జగిత్యాల రూరల్, నవంబర్ 3: కోరుట్ల ఎమ్మెల్యే కల్వకుంట్ల విద్యాసాగర్‌రావు పీఏ గిరీష్‌ఠాకూర్ ఆదివారం ఎస్సారెస్పీ కెనాల్‌లో పడి గల్లంతయ్యారు. ఎస్సై చిర్ర సతీష్ కథనం మేరకు ఈ సంఘటనకు సంబంధించిన వివరాలు ఇలా ఉన్నాయి. గిరీష్‌ఠాకూర్ కోరుట్ల ఎమ్మెల్యే విద్యాసాగర్‌రావు పీఏగా పని చేస్తూ జగిత్యాల జిల్లా కేంద్రంలోని ధరూర్ సమీపంలో ఓ అపార్ట్‌మెంట్‌లో నివాసం ఉంటున్నాడు.

సంగారెడ్డి, నవంబర్ 3: మిషన్ భగీరథ, మిషన్ కాకతీయ, 24 గంటల నిరంతర విద్యుత్ సరఫరా, రైతుబంధు, రైతుబీమా తదితర అనేక ప్రజా సంక్షేమ కార్యక్రమాలను దిగ్విజయంగా అమలు చేస్తూ తెలంగాణ రాష్ట్రం దేశానికే దిక్సూచిగా నిలిచిందని రాష్ట్ర ఆర్థిక శాఖ మంత్రి తన్నీరు హరీష్‌రావు పేర్కొన్నారు. ముఖ్యమంత్రి కేసీఆర్ పాలనను యావత్ రాష్ట్ర ప్రజలు కొనియాడుతున్నారని సంతృప్తిని వ్యక్తం చేసారు.