హైదరాబాద్, ఏప్రిల్ 22: ముస్లింలు తమకు ఓటు వేయకపోయినా కేంద్రం వారికి తగిన గౌరవం ఇచ్చిందంటూ కేంద్ర మంత్రి రవిశంకర్ ప్రసాద్ చేసిన వ్యాఖ్యలపై ఎంఐఎం అధ్యక్షుడు, హైదరాబాద్ ఎంపి అసదుద్దీన్ ఒవైసీ తీవ్ర స్థాయిలో మండిపడ్డారు. ముస్లింలకు గుర్తింపు రాజ్యాంగం కల్పించిన హక్కు అని, ప్రభుత్వం ఇచ్చింది కాదని ఆయన స్పష్టం చేశారు. కేంద్ర మంత్రి స్థాయిలో ఉంటూ ఇలాంటి వ్యాఖ్యలు చేయడం దురదృష్టకరమన్నారు.

హైదరాబాద్, ఏప్రిల్ 22: మంత్రి కెటిఆర్ ఐస్ క్రీంను రూ.5 లక్షలకు, ఆయన సోదరి, ఎంపి కవిత ఒక గంట చీరలు అమ్మితే రూ.6 లక్షలు వస్తున్నప్పుడు ఈ ఇద్దరు ఎనుమాముల మార్కెట్‌కు వెళ్లి క్వింటాల్ మిర్చిని రూ.10 వేలకు అమ్మొచ్చుగా..? అని టిటిడిపి రాష్ట్ర వర్కింగ్ ప్రెసిడెంట్ ఎ.రేవంత్‌రెడ్డి ఎద్దేవా చేశారు.

హైదరాబాద్, ఏప్రిల్ 22: టి.జెఎసి బలోపేతానికి చైర్మన్ కోదండరామ్ రెడ్డి కసరత్తు ప్రారంభించారు. టి.జెఎసి నుంచి ఇరువురు నేతల బహిష్కరణ తర్వాత బలహీనపడిందన్న ప్రచారం జరుగుతున్నది. దీనిని దూరం చేస్తూ, కింది స్థాయినుంచి బలోపేతం చేసే దిశగా అడుగులు వేస్తున్నారు. ఈ మేరకు ఆదివారం ఉదయం 11 గంటలకు నగర శివారులోని ఉప్పల్ డిపో ఎదురుగా ఉన్న శ్రీ కాకతీయ జూనియర్ కళాశాలలో శిక్షణా తరగతులు ఏర్పాటు చేశారు.

హైదరాబాద్, ఏప్రిల్ 22: సచివాలయంలో ఆఫీసర్ ఆన్ స్పెషల్ డ్యూటీ (ఓఎస్‌డి)గా విధులు నిర్వహిస్తున్న ముగ్గురు అధికారులతో పాటు ఉర్దూ లైజాన్ అధికారి పదవీ కాలాన్ని ప్రభుత్వం మరో ఏడాది పాటు పొడిగించింది. ఓఎస్‌డిలుగా బాధ్యతలు నిర్వర్తిస్తున్న హెచ్‌ఎ.షఫీ, ఎ..రాంరెడ్డి, ఎ.చంద్రభాగ, ఉర్దూ లైజాన్ అధికారి మహ్మద్ జహీరుద్దీన్‌ల పదవీ కాలాన్ని ప్రభుత్వం పొడిగించింది.