మోర్తాడ్, ఫిబ్రవరి 13: తెలంగాణ వరప్రదాయినిగా విలసిల్లుతున్న శ్రీరాంసాగర్ ప్రాజెక్టు కింద రైతులు సమృద్ధిగా పంటలు పండించుకునేలా కాళేశ్వరం ఎత్తిపోతల పథకం ఎంతగానో ఉపయోగపడుతుందని భారీ నీటి పారుదల శాఖ మంత్రి టి.హరీశ్‌రావు అన్నారు. కాళేశ్వరం, మేడిగడ్డ ప్రాజెక్టులు పూర్తయితే లక్షలాది ఎకరాలకు సాగునీరు సమకూరుతుందని ఆయన స్పష్టం చేశారు.

హైదరాబాద్, ఫిబ్రవరి 12: పోలీసులకు విధి నిర్వహణ ప్రతి క్షణం కత్తిమీద సాములాంటిదని తెలంగాణ డిజిపి అనురాగ్ శర్మ అన్నారు. కమ్యూనికేషన్స్, రవాణా సౌకర్యం సక్రమంగా లేని రోజుల్లో పోలీస్ అధికారులు నేరాల నియంత్రణకు ఎంతో కృషి చేశారని, అలాంటి అనుభవం గల ఇంటెలిజెన్స్ అధికారులను స్ఫూర్తిగా తీసుకొని అప్రమత్తతతో సంఘ విద్రోహులను పట్టుకోవాలని ఆయన పిలుపునిచ్చారు.

హైదరాబాద్, ఫిబ్రవరి 12: టిఆర్‌ఎస్ వ్యతిరేక శక్తులను కూడగట్టి రాజకీయ పార్టీగా అవతరించేందుకు కోదండరామ్ నాయకత్వంలోని తెలంగాణ జెఎసి ప్రయత్నాలు సాగిస్తోంది. అసెంబ్లీ ఎన్నికలకు ఇంకా రెండేళ్ల సమయం ఉంది. వచ్చే ఎన్నికల నాటికి ఒక రాజకీయ పార్టీగా రూపుదాల్చాలి అనేది జెఎసి ప్రణాళిక. దీనికి తగ్గట్టుగా శిక్షణ కార్యక్రమాలు, రాజకీయ ఆందోళనలకు శ్రీకారం చుట్టారు.

హైదరాబాద్/ముషీరాబాద్, ఫిబ్రవరి 12: పార్లమెంటులో బిసి బిల్లు పెట్టడానికి త్వరలో ఢిల్లీలో అత్యున్నత స్థాయి సమావేశాన్ని నిర్వహించనున్నటు కేంద్ర మంత్రి వెంకయ్య నాయుడు ప్రకటించారు. బిసి సంక్షేమ సంఘం జాతీయ అధ్యక్షుడు ఆర్. కృష్ణయ్య నేతృత్వంలో బిసి సంఘాల నేతలు ఆదివారం బంజారాహిల్స్‌లోని వెంక య్య నివాసంలో ఆయనను కలిసి వినతి పత్రం అందజేశారు. ఈ సందర్భంగా వారు బిసిల డిమాండ్ల గురించి ఆయనకు వివరించారు.