హైదరాబాద్, జనవరి 18: దేశంలో డిజిటల్ చెల్లింపుల విప్లవం వెల్లివిరుస్తోందని, బ్యాంకులు, ఆర్థిక సంస్థలు ముందుకు వచ్చి మరింత దోహదం చేస్తే అవినీతిని, పేదరికాన్ని నిర్మూలించాలనే ప్రధాని నరేంద్రమోదీ లక్ష్యం నెరవేరుతుందని కేంద్ర విదేశాంగ శాఖ సహాయ మంత్రి ఎంజె అక్బర్ పేర్కొన్నారు. నగదురహిత లావాదేవీలు పెద్ద ఎత్తున చేపట్టే రాష్ట్రాలకు ప్రోత్సాహకాలను అందించే ఆలోచన కేంద్రానికి ఉందని చెప్పారు.

హైదరాబాద్, జనవరి 18: ఆర్థిక నేరాలపై దృష్టి సారించామని, వీటి నియంత్రణకు ఆర్బీఐ, సెబితో కలసి పనిచేస్తామని తెలంగాణ రాష్ట్ర డైరెక్టర్ జనరల్ ఆఫ్ పోలీస్ (డిజిపి) కె అనురాగ్ శర్మ స్పష్టం చేశారు. బుధవారం హైదరాబాద్‌లో రిజర్వ్ బ్యాంక్ ఆఫ్ ఇండియా ఆర్థిక నేరాలు, ఖాతాల రక్షణ, సైబర్ క్రైమ్‌వంటి అంశాలపై సదస్సు నిర్వహించింది. ఈ సదస్సులో దాదాపు 80మంది పోలీస్, సిఐడి అధికారులు పాల్గొన్నారు.

హైదరాబాద్, జనవరి 17: పది, ఇంటర్ పరీక్షల్లో మాస్ కాపీయింగ్‌ను అరికట్టేందుకు ఆంధ్ర, తెలంగాణ ప్రభుత్వాలు తీసుకుంటున్న చర్యలపై అఫిటవిట్‌లను దాఖలు చేయాలని హైకోర్టు మంగళవారం రెండు ప్రభుత్వాల ప్రధాన కార్యదర్శులను ఆదేశించింది. ఈ పరీక్షలను పటిష్ఠంగా నిర్వహించేందుకు తగిన చర్యలు తీసుకోవడం లేదంటూ ఏలూరుకు చెందిన డాక్టర్ శ్రీనివాస్ గుంటుపల్లి దాఖలు చేసిన పిటిషన్‌ను హైకోర్టు ధర్మాసనం విచారించింది.

అమరావతి, జనవరి 17: అర్చకులు, పురోహితులను పెళ్లిచేసుకునేందుకు ఎవరూ ముందుకురాని నేపథ్యంలో బ్రహ్మచారులుగా మిగిలిపోతున్న బ్రాహ్మణ యువకుల వైవాహిక జీవితానికి చేయూతనిచ్చేందుకు బ్రాహ్మణ కార్పొరేషన్ ఓ వినూత్న ఆలోచనకు తెరలేపింది. వారిని పెళ్లిచేసుకునే బ్రాహ్మణ ఆడపిల్లలకు లక్షరూపాయల నజరానా ప్రకటించింది.