హైదరాబాద్, ఫిబ్రవరి 23: పట్టణాల రూపు రేఖలు మార్చే లక్ష్యంగా రూపొందించిన ‘పట్టణ ప్రగతి’ కార్యక్రమం రాష్ట్ర వ్యాప్తంగా సోమవారం ప్రారంభం కానుంది. వచ్చే 4 వరకు పది రోజుల పాటు నిర్వహించే ఈ కార్యక్రమాన్ని మున్సిపల్ శాఖ మంత్రి కల్వకుంట్ల తారక రామారావు మహబూబ్‌నగర్‌లో ప్రారంభించనున్నారు.

హైదరాబాద్, ఫిబ్రవరి 22: తెలంగాణ రాష్ట్రంలో పోలీసులు సమర్థవంతంగా విధులు నిర్వహిస్తున్నారని హోం శాఖ మంత్రి మహ్మద్ మహమూద్ అలీ అన్నారు. శనివారం సాయంత్రం ఇక్కడ జరిగిన మీడియా సమావేశంలో మంత్రి మాట్లాడుతూ తెలంగాణ పోలీస్ శాఖ శాంతి భద్రత పరిరక్షణలో దేశంలోనే నెంబర్ వన్ స్థానంలో ఉందన్నారు.

హైదరాబాద్, ఫిబ్రవరి 22: వ్యాధి నిరోధక టీకాలను వేయడం ద్వారా రోగ నిరోధక రేటును పెంచడంలో దక్షిణాది రాష్ట్రాల్లో తెలంగాణ అగ్రగామిగా నిలిచింది. 2019-20 సంవత్సరంలో తెలంగాణ 92.4 శాతంతో ముందంజలో ఉంది. 2017లో తెలంగాణ రేటు 72 శాతంగా నమోదైంది. రాష్ట్ర ఆరోగ్య శాఖ ముఖ్యమంత్రి కేసీఆర్ ఆదేశాల మేరకు తీసుకున్న మెరుగైన చర్యల వల్ల వ్యాధి నిరోధక టీకాల్లో తెలంగాణ అగ్రస్థానం పొందింది.

పాపన్నపేట, ఫిబ్రవరి 22: తెలంగాణలో ప్రసిద్ధి చెందిన శ్రీ ఏడుపాయల వనదుర్గ్భావానిమాత పుణ్యక్షేత్రంలో జరుగుతున్న మహోత్సవాల్లో భాగంగా రెండవ రోజైన శనివారం భక్తజనం వెల్లువెత్తింది. చెట్లు, రాళ్లగుట్టలతో ఉండే అటవీ ప్రాంతమంతా జనసంద్రంగా మారింది. జానపదుల జాతర జనరంజకంగా సాగింది. డప్పువాయిద్యాల మోతలు, బోనాల ఊరేగింపులు, శివసత్తుల శిగాలు, పోతరాజుల నృత్యాలతో ఏడుపాయల జాతర ప్రాంగణమంతా హోరెత్తింది.