హైదరాబాద్: అమెరికా అధ్యక్షుడు డొనాల్డ్ ట్రంప్ భారత్ పర్యటనను పురస్కరించుకొని రాష్టప్రతి రామ్‌నాథ్ కోవింద్ మంగళవారం నాడు రాష్ట్రపతి భవన్‌లో ఇచ్చే విందులో పాల్గొనడానికి ముఖ్యమంత్రి కల్వకుంట్ల చంద్రశేఖర్‌రావు ఢిల్లీ వెళ్లనున్నారు. బేగంపేట విమానాశ్రయం నుంచి ప్రత్యేక విమానంలో మంగళవారం ఢిల్లీ చేరుకుంటారు.

నాగర్‌కర్నూల్, ఫిబ్రవరి 23 : ప్రజాప్రతినిధులు బాధ్యతతో పనిచేసినప్పుడే సమాజంలో అసమానతలు తొలగి సమాజంలో మార్పులు వచ్చి పురోభివృద్ధి సాధ్యవౌతుందని రాష్ట్ర వ్యవసాయాశాఖ మంత్రి సింగిరెడ్డి నిరంజన్‌రెడ్డి అన్నారు. ఆదివారంనాగర్‌కర్నూల్ జిల్లా బిజినేపల్లి మండలంలోని పాలెంలో జరిగిన పల్లె, పట్టణ ప్రగతి ప్రజాప్రతినిధుల సమ్మేళనం నాగర్‌కర్నూల్ ఎమ్మెల్యే మర్రి జనార్ధన్‌రెడ్డి అధ్యక్షతన జరిగింది.

సికిందరాబాద్, ఫిబ్రవరి 23: భిన్నత్వంలో ఏకత్వం అదే భారతదేశం యొక్క విశిష్టత అని భారతదేశ ఉపరాష్ట్రపతి వెంకయ్య నాయుడు స్పష్టం చేశారు. సికిందరాబాద్ రైల్వే స్పోర్ట్స్ మైదానంలో ఆదివారం జరిగిన అఖిల భారత పోలీస్ మ్యూజిక్ బ్యాండ్-2020 ముగింపు వేడుకలకు ఉపరాష్ట్రపతి వెంకయ్య నాయుడు ముఖ్య అతిధిగా హాజరయ్యారు. పోటీలలో గెలుపొందినవారికి బహుమతుల ప్రదానం చేశారు.

హైదరాబాద్ (ఖైరతాబాద్), ఫిబ్రవరి 23: ఎన్నికలు సమీపిస్తున్న వేళ మారో మారు ప్రజలను మోసగించేందుకు యత్నిస్తున్న అధికార టీఆర్‌ఎస్ కుట్రలను ఎండగట్టేందుకు పట్టణం గోస కార్యక్రమానికి శ్రీకారం చుట్టినట్టు మల్కాజ్‌గిరి పార్లమెంట్ సభ్యుడు రేవంత్ రెడ్డి తెలిపారు. ఆదివారం జూబ్లీహిల్స్‌లోని కార్యాలయంలో ఏర్పాటు చేసిన విలేఖరుల సమావేశంలో ముఖ్యమంత్రి కేసీఆర్ తీరుపై రేవంత్ తీవ్రస్థాయిలో ధ్వజమెత్తారు.