హైదరాబాద్, ఫిబ్రవరి 24: నాలుగు లక్షల రూపాయలు ఒక గ్రామ పంచాయితీకి విరాళంగా అందచేసిన కుటుంబానికి చెందిన వ్యక్తి పేరును ఆ గ్రామ పంచాయితీ భవనానికి పెట్టారు. ఈ మేరకు సోమవారం ఒక జీఓ జారీ అయింది. సిద్ధిపేట జిల్లా దుబ్బాక మండలంలోని తిమ్మాపూర్ గ్రామ పంచాయితీకి ‘రాజిరెడ్డి భవన్’ అని పేరు పెట్టారు.

హైదరాబాద్, ఫిబ్రవరి 24: పాఠశాలల్లో ఉపాధ్యాయులుగా నియామకానికి నిర్వహించిన టీఆర్‌టీ రిక్రూట్‌మెంట్ నియామకాలను వెంటనే చేపట్టాలని దివ్యాంగుల కోటాలో ఎంపికైన అభ్యర్థులు నిమ్స్ ఆస్పత్రి ముందు సోమవారం నాడు ధర్నా చేశారు.

హైదరాబాద్, ఫిబ్రవరి 24: హజ్‌కు వెళ్లేందుకు మొదట ఎంపికైన యాత్రికులు తమ వంతు వాటా చెల్లించేందుకు మంగళవారం (్ఫబ్రవరి 25, 2020) చివరి తేదీ అని తెలంగాణ స్టేట్ హజ్ కమిటీ చైర్మన్ మహ్మద్ మసియుల్లాఖాన్, ఎగ్జిక్యూటివ్ ఆఫీసర్ బి. షఫీయుల్లా తెలిపారు. ఈ మేరకు సోమవారం వారు ఒక ప్రకటన విడుదల చేశారు. హజ్‌కు వెళ్లేందుకు ఎంపికైన యాత్రీకులు తమ వంతు వాటాగా 81 వేల రూపాయలు చెల్లించాల్సి ఉంటుందన్నారు.

హైదరాబాద్, ఫిబ్రవరి 24: దేవాదాయ శాఖలో హైదరాబాద్ రీజనల్ జాయింట్ డైరెక్టర్‌గా పూర్తి అదనపు బాధ్యతలను డిప్యూటీ కమిషనర్ ఎం. రామకృష్ణారావుకు అప్పగిస్తూ సోమవారం ఉత్తర్వులు జారీ అయ్యాయి. ఈ మేరకు రెవెన్యూ (దేవాదాయ) శాఖ కార్యదర్శి వి. అనిల్ కుమార్ పేరుతో సోమవారం జీఓ (ఆర్‌టీ నెంబర్ 84) జారీ అయింది. ప్రస్తుతం హైదరాబాద్ రీజనల్ జాయింట్ డైరెక్టర్ బాధ్యల్లో అడిషనల్ కమిషనర్ ఈ. శ్రీనివాసరావు కొనసాగుతున్నారు.