హైదరాబాద్, జూలై 31: హైదరాబాద్‌లో బయోటెక్నాలజీ, బయో ఫార్మా రంగానికి ప్రత్యేకంగా బి-హబ్ ఏర్పాటు చేయనున్నట్టు ఐటీ శాఖ మంత్రి కల్వకుంట్ల తారకరామారావు తెలిపారు. బయో ఫార్మా, బయోటెక్ రంగాలలో పరిశోధనలకు ఊతం ఇవ్వడంతో పాటు తయారీ రంగంలోకి ప్రవేశించే కంపెనీలకు బి-హబ్ ఉపయోగపడుతుందన్నారు.

హైదరాబాద్, జూలై 31: తెలంగాణలో డిగ్రీ అడ్మిషన్ల ప్రక్రియ ముగిసింది. తుది విడత అడ్మిషన్లను మంగళవారం నాడు దోస్త్ కన్వీనర్ ప్రొఫెసర్ లింబాద్రి ప్రకటించారు. తుది విడతకు 20,741 మంది వెబ్ ఆప్షన్లను ఇవ్వగా, 19,145 మందికి సీట్లు దక్కాయి. 5397 మంది స్లయిడింగ్‌కు దరఖాస్తు చేసుకోగా, అందులో 4120 మంది స్లయిడింగ్ చేసుకున్నారని పేర్కొన్నారు.

నల్లగొండ, జూలై 30: రాష్ట్రంలో వచ్చే ఎన్నికల పిదప అధికార మార్పిడి తథ్యమని, ఎన్నికల్లో టీఆర్‌ఎస్‌కు ఓటమి తప్పదని, నూతన ప్రభుత్వ ఏర్పాటులో టీడీపీ నిర్ణయాత్మక భూమిక పోషించనుందని ఆ పార్టీ తెలంగాణ రాష్ట్ర అధ్యక్షుడు ఎల్. రమణ అన్నారు.

హైదరాబాద్, జూలై 30: రాష్ట్ర ప్రభుత్వం ప్రతిష్టాత్మకంగా చేపట్టిన మిషన్ కాకతీయ, మిషన్ భగీరథ, నీటి పారుదల ప్రాజెక్టులు, గురుకుల విద్యాలయాలు, కొత్త జిల్లాలు, రోడ్ల నిర్మాణం తదితర వాటికి కేంద్ర ప్రభుత్వం నుంచి నిధులు రాబట్టే విధంగా ప్రణాళికలు రూపొందించాలని ప్రభుత్వ ప్రధాన కార్యదర్శి ఎస్‌కె జోషి ఆదేశించారు.