హైదరాబాద్, ఆగస్టు 1: రాష్ట్రానికి తాజాగా నియమితులైన (2017 బ్యాచ్ ఐఎఎస్) 11 మంది అసిస్టెంట్ కలెక్టర్లు బుధవారం శాసనసభ, శాసనమండలిని సందర్శించారు. శాసనమండలి కార్యదర్శి డాక్టర్ వి. నరసింహా చార్యులు వారికి ఘనంగా స్వాగతం పలికారు. వారికి శాసనసభ, శాసనమండలిని చూపించిన తర్వాత కొంత సేపు సమావేశమయ్యారు. ఈ సందర్భంగా కార్యదర్శి నరసింహాచార్యులు శాసనసభ, శాసనమండలి సమావేశాల గురించి వివరించారు.

హైదరాబాద్, ఆగస్టు 1: లంబాడి తండాలను, గిరిజన గూడెంలను, కొద్ది జనాభా ఉన్న గ్రామాలను పంచాయతీలుగా మారుస్తామంటూ ప్రజలకు ఇచ్చిన హామీని అమలు చేశామని రాష్ట్ర పంచాయతీ మంత్రి జూపల్లి కృష్ణారావు తెలిపారు. కొత్త గ్రామ పంచాయతీల ఏర్పాటు సందర్భంగా బుధవారం ఆయన మీడియాకు ఒక ప్రకటన జారీ చేశారు. కొత్త పంచాయతీల ఏర్పాటుతో స్థానిక సంస్థల పాలన కొత్తపుంతలు తొక్కుతుందని మంత్రి పేర్కొన్నారు.

హైదరాబాద్, ఆగస్టు 1: దేశ రాజకీయాల్లో గుణాత్మక మార్పు తీసుకరావడానికి జాతీయ స్థాయిలో ఫెడరల్ ఫ్రంట్ ఏర్పాటు చేయబోతున్నట్టు రెండు నెలల కిందటి వరకు హడావుడి చేసిన టీఆర్‌ఎస్ అధినేత కల్వకుంట్ల చంద్రశేఖర్‌రావు ప్రస్తుతం ఆ ఊసే ఎత్తకపోవడంపై రాజకీయ వర్గాల్లో చర్చ జరగుతోంది. ఫెడరల్ ఫ్రంట్ ఏర్పాటును గోప్యంగా ఉంచుతున్నారా? లేక వచ్చే ఎన్నికలపై దృష్టి సారించడంతో ఆ ప్రతిపాదన అటకెక్కిందా?

ములుగు, ఆగస్టు 1: నాలుగో విడత హరితహారం కార్యక్ర మాన్ని సిద్దిపేట జిల్లా ములుగులో బుధవారం ఉదయం ముఖ్యమంత్రి చంద్రశేఖర్‌రావు మొక్కలు నాటి ప్రారంభించారు. ఇందులో భాగం గా ప్రతి ఇంట్లో పండ్లు, పూల మొక్కలు నాటాలన్న ముఖ్యమంత్రి ఆశయాన్ని దృష్టిలో పెట్టుకొని అధికారులు మండల కేంద్రమైన ములుగులోని ఇరుపాక ఇంద్రారెడ్డి, భాగ్యమ్మల ఇంటి ఆవరణలో కొబ్బరి మొక్కలు నాటారు.