హైదరాబాద్, ఏప్రిల్ 8: రాష్ట్రం నుంచి హాజ్ యాత్రకు వెళుతున్న వారు తమ ఆరోగ్యంపై దృష్టి సారించాలని హజ్ కమిటీ చైర్మన్ మహ్మద్ మసి ఉల్లాఖాన్ సూచించారు. ఆదివారం బాలానగర్‌లో హాజ్ యాత్రకు వెళుతున్న వారి కోసం ప్రత్యేక శిక్షణ కార్యక్రమాన్ని నిర్వహించారు. ఈ కార్యక్రమంలో ఆయన ప్రయాణికులకు పలు సూచనలు చేశారు. దేశం కాని దేశంలో ఏదైనా ఆనారోగ్యానికి గురి అయితే తీవ్ర ఇబ్బందులు ఎదుర్కోవాల్సి వస్తుందని అన్నారు.

హైదరాబాద్, ఏప్రిల్ 8: అరేబియా సముద్రంతో పాటు మహారాష్ట్ర, విదర్భ, మధ్యప్రదేశ్, కర్నాటకలో ఏర్పడ్డ తుపాను ద్రోణి ప్రభావంతో తెలంగాణలో గత రెండురోజుల నుండి వాతావరణం కొద్దిగా చల్లబడింది. రాష్ట్రంలోని అనేక ప్రాంతాల్లో ఉరుములు, మెరుపులతో కూడిన వర్షం కురిసింది.

హైదరాబాద్: జన సేన పార్టీ వ్యవస్థాపక అధ్యక్షుడు, సినీ నటుడు పవన్ కల్యాణ్ తెలంగాణలో రాజకీయ అడుగు వేస్తే, తామూ కలిసి నడవాలన్నది సిపిఎం నేతల మనోగతం. ఇప్పటికే ఆంధ్రప్రదేశ్‌లో దూకుడు పెంచిన పవన్ కల్యాణ్ తెలంగాణ వైపు దృష్టి సారించడం లేదు. ఆంధ్రలో పవన్‌తో జత కట్టి నడుస్తున్న సిపిఎం నేతలకు తెలంగాణ విషయంలో పవన్ ఆంతర్యం ఏమిటో తెలియడం లేదు.

సంగారెడ్డి, ఏప్రిల్ 8: వారం రోజులుగా ఉమ్మడి మెదక్ జిల్లాను అకాల వర్షాలు అతలాకుతలం చేస్తున్నాయి. శనివారం అర్ధరాత్రి దాటిన తరువాత జిల్లావ్యాప్తంగా మోస్తరు నుంచి భారీ వర్షం కురిసింది. వేడెక్కిన వాతావరణం ఒక్కసారిగా చల్లబడిందన్న ఊరట మినహా రైతాంగానికి నష్టాన్ని కల్పించింది. చిన్న పిల్లలను భయభ్రాంతులకు గురిచేసే విధంగా ఉరుముల శబ్దం బాంబు లు మోగినట్లు వినిపించాయి.