వరంగల్, జూలై 29: ఎంసెట్-2 లీక్‌పై విపక్షాలు భగ్గుమన్నాయి. లీక్‌కు నిరసనగా యువజన కాంగ్రెస్, ఎన్‌ఎస్‌యుఐ ఆధ్వర్యంలో శుక్రవారం నగరంలోని హన్మకొండలో రాస్తారోకో కార్యక్రమం చేపట్టారు. ఈ కార్యక్రమంలో జిల్లా కాంగ్రెస్ అధ్యక్షుడు నాయిని రాజేందర్‌రెడ్డి పాల్గొన్నారు. కాంగ్రెస్ రాస్తారోకో సందర్భంగా ట్రాఫిక్ స్తంభించిపోయింది. దీంతో పోలీసులు ఆందోళన కారులను పోలీస్‌స్టేషన్‌కు తరలించారు.

మంగపేట, జూలై 29: రేపటి (ఆదివారం) నుండి గోదావరి అంత్య పుష్కరాలు మొదలుకానున్నాయి. బృహస్పతి సింహరాశి ప్రవేశకాలంనందు గత సంవత్సరం జూలై 14 నుండి పనె్నండు రోజులపాటు గోదావరి మహా పుష్కరాలు అత్యంత వైభవంగా జరిగిన సంగతి తెలిసిందే. పనె్నండు సంవత్సరాలకు ఒక్కసారి వచ్చే గోదావరి మహా పుష్కరాలలో భాగంగా జూలై 31 నుండి ఆగష్టు 11 వరకు గోదావరి అంత్య పుష్కరాలు జరగనున్నాయి.

పరకాల, జూలై 29: ఎంసెట్-2 ప్రశ్నాప్రతాల లీకేజి వ్యవహారం రోజుకో మలుపు తిరుగుతుంది. ఎంసెట్-2 పేపర్ లీక్ స్కాం పరకాల డివిజన్ నుండే ఆరోపణలు రావడం, బయటపడడంతో డివిజన్‌లో ప్రకంపనాలు సృష్టిస్తుంది. దీనిలో పలువురు విద్యార్థులు ఉన్నారన్న అంశం అసక్తి రేపింది. అంతేకాకుండా సిఐడి అధికారులు వీరిని పిలుపించుకొని పలు దఫాలుగా మాట్లాడడంతో సర్వత్రా ఉత్కంఠ నెలకొంది.

కరీంనగర్ టౌన్, జూలై 29: ఎంసెట్ 2లో జరిగిన అక్రమాల పేర రద్దు చేసే యత్నాలు మానుకోవాలని, కుంభకోణంలో భాగస్వాములైన వారి ర్యాంకులు నిలిపేసి, చర్యలు తీసుకోవాలంటూ ఎంసెట్ 2 విద్యార్థుల తల్లిదండ్రులు కలెక్టరేట్, తెలంగాణ చౌక్‌లలో ఆందోళనకు దిగారు. కొంతమంది చేసిన తప్పులకు తమ పిల్లలను బాధ్యులుగా చేస్తూ ఎంసెట్ 2నే రద్దుచేస్తే, వారి భవిష్యత్ అగమ్యగోచరంగా మారుతుందంటూ రహదారిపై బైఠాయించారు.