మహేష్‌బాబు, దర్శకుడు మురుగదాస్‌ల కాంబినేషన్‌లో రూపొందే సినిమాకు సంబంధించి షూటింగ్ శుక్రవారం హైదరాబాద్‌లో ప్రారంభమైంది. ‘బ్రహ్మోత్సవం’ ఘోర పరాజయం తర్వాత మహేష్ నటిస్తున్న సినిమా కావడంతో దీనిపై ఆయన అభిమానులు అంచనాలు పెంచుకుంటున్నారు.

సునీల్ కథానాయకుడిగా రూపొందించిన ఏ చిత్రానికీ రానంత భారీ వసూళ్లు తొలిరోజే జక్కన్న చిత్రం సాధించిందని నిర్మాత సుదర్శన్‌రెడ్డి తెలియజేస్తున్నారు. ఆర్‌పిఎ క్రియేషన్స్ పతాకంపై సునీల్, మన్నార్ చోప్రా జంటగా వంశీకృష్ణ ఆకెళ్ల దర్శకత్వంలో జక్కన్న విడుదలైన సంగతి తెలిసిందే. జక్కన్న చిత్రాన్ని అత్యధిక థియేటర్లలో విడుదల చేశామని, సునీల్ కెరీర్‌లోనే బెస్ట్ ఓపెనింగ్స్ సాధించిన చిత్రంగా నిలిచిందన్నారు.

ఎ.రవితేజ, అశ్వినీ చంద్రశేఖర్, భానుశ్రీ ప్రధాన తారాగణంగా ఎస్.జె.చైతన్య దర్శకత్వంలో రవి పచ్చిపాల రూపొందిస్తున్న చిత్రం ‘ఆవు పులి మధ్యలో ప్రభాస్ పెళ్లి’. ఈ చిత్రానికి సంబంధించిన పోస్ట్ ప్రొడక్షన్ కార్యక్రమాలు పూర్తిచేశారు. ఈ సందర్భంగా దర్శక నిర్మాతలు మాట్లాడుతూ, తొలిసారిగా ప్రభాస్ అభిమానుల కోసం రూపొందిస్తున్న చిత్రం ఇదని, చిత్రానికి సంబంధించిన మోషన్ పోస్టర్‌ను విడుదల చేశామన్నారు.

విడుదలకు ముందు భారీ హైప్ క్రియేట్ చేసిన సినిమా ‘కబాలి’ సూపర్ స్టార్ రజనీకాంత్ కెరీర్‌లోనే భారీ వసూళ్లు అందుకున్న సినిమా. ఇక విడుదల తరువాత ఫలితం ఎలా ఉన్నాసినిమా మాత్రం బాక్స్ ఆఫీసువద్ద దుమ్ము లేపింది. ఆ సినిమాతో క్రేజీ దర్శకుడిగా మారిపోయాడు పా రంజిత్. ఈ సినిమా తరువాత ఆయనకు అవకాశాలు జోరుగా వస్తున్నాయి. సూర్య హీరోగా ఓ సినిమా చేయడానికి కమిట్ అయినట్టు తెలిసింది.