ఇల్లంతకుంట, జూలై 28: జిల్లాలోని సిరిసిల్ల మధ్యమానేరు పనులను 2017 లోపు పూర్తి చేస్తామని రాష్ట్ర ఆర్థిక శాఖ మంత్రి ఈటల రాజేందర్ పేర్కొన్నారు. గురువారం మండలంలోని కందికట్కూరు శివారు పల్లె అయిన గుర్రంవానిపల్లెలో నిర్మిస్తున్న మధ్యమానేరు ప్రాజెక్టు స్పిల్‌వేను ఆయన పరిశీలించారు. మధ్యమానేరు లోకి నీరు రావడంపై సంబంధిత ఇంజనీరింగ్ అధికారులతో చర్చించారు. 2017లోపు పూర్తి చేయాలని ఆదేశించారు.

సుల్తానాబాద్, జూలై 28: మొక్కలు నాటడంతో పాటు వాటిని సంరక్షించాలని జిల్లా జడ్జి నాగమారుతి శర్మ అన్నారు. గురువారం మండలంలోని కొదురుపాక గ్రామ పంచాయతీ పరిధిలోని దేవునిపల్లిలో గల లక్ష్మినంబులాద్రి స్వామి దేవాలయం ఆవరణలో ఆయన మొక్కలను నాటారు. ఈసందర్భంగా మాట్లాడుతూ పర్యావరణ పరిరక్షణకు మొక్కల పెంపకం ఒక్కటే మార్గమన్నారు. నాటిన మొక్కలను బాధ్యతగా సంరక్షించాలన్నారు.

ఎల్లారెడ్డిపేట, జూలై 28: మారుమూల పల్లెను తాను దత్తత తీసుకుంటే కొందరు సాధ్యమవుతుందా.. అని ప్రశ్నించారు. మధ్యలోనే వదిలి వెళ్లిపోతారని హేళనగా మాట్లాడుకున్నారు. అందరి సహకారంతో అభివృద్ధి పరిచి దేశంలో వీర్నపల్లికి గుర్తింపు తీసుకు వచ్చామని కరీంనగర్ ఎంపి బోయనపల్లి వినోద్‌కుమార్ అన్నారు. గురువారం ఆయన మంత్రి కెటిఆర్, సాగీ డైరెక్టర్ కుశాల్ పథక్‌లతో కలిసి పర్యటించారు.

హైకోర్టు తమ ప్రాంతంలోనే ఏర్పాటు చేయాలన్న రాయలసీమ నేతల డిమాండ్ సహేతుకమైంది. నిజానికి ఇది 1937లో కోస్తాంధ్ర ప్రాంతానికి చెందిన తెలుగు నేతలు, రాయలసీమ వారికి ఇచ్చిన హామీ కూడ. శ్రీబాగ్ ఒప్పందం ప్రకారం..ఆంధ్రలో రాజధాని ఉన్నట్లయతే, హైకోర్టును మాత్రం రాయలసీమలో ఏర్పాటు చేయాలి. విశాఖపట్టణంలో విశ్వవిద్యాలయం ఎట్లాగూ ఉన్నది.