అవనిగడ్డ, జూలై 26: కృష్ణా పుష్కరాలకు జిల్లా పోలీసు యంత్రాంగం పూర్తిస్థాయిలో సన్నద్ధమైందని ఏలూరు రేంజ్ డిఐజి పివిఎస్ రామకృష్ణ తెలిపారు. మంగళవారం దివి డివిజన్‌లోని పుష్కర ఘాట్లలో ఏర్పాట్లను ఆయన పరిశీలించేందుకు వచ్చారు. ఈసందర్భంగా కొత్తపేటలోని పుష్కరఘాట్‌ను పరిశీలించి భద్రతపై తగిన సూచనలు చేశారు. పార్కింగ్ ప్రదేశాల ఏర్పాటు గురించి అడిగి తెలుసుకున్నారు.

మోపిదేవి, జూలై 26: మోపిదేవి శ్రీ వల్లీదేవసేన సమేత శ్రీ సుబ్రహ్మణ్యేశ్వర స్వామి వారి పవిత్రోత్సవాలు మంగళవారం అత్యంత వైభవంగా ప్రారంభమయ్యాయి. చల్లపల్లి ఎస్టేట్ దేవాలయాల అసిస్టెంట్ కమిషనర్ ఎం శారదా కుమారి ఉత్సవాలను ప్రారంభించారు. కె ఫణి కుమార్ శర్మ ఆలయ సంప్రోక్షణ గావించారు. అనంతరం ఆలయ వేద పండితులు నౌడూరి విశ్వనాధ సుబ్రహ్మణ్యేశ్వర శర్మ గణపతి పూజ నిర్వహించారు.

విజయవాడ, జూలై 26: కృష్ణా పుష్కరాలు 2016 నేపథ్యంలో ఆగస్టు 12 నుండి 23 వరకు చేపట్టాల్సిన ఏర్పాట్లపై ఒక స్పష్టమైన అవగాహనకు రావాల్సి ఉంటుందని పుష్కరాల ప్రత్యేకాధికారి బి.రాజశేఖర్, కలెక్టర్ బాబు.ఎ పేర్కొన్నారు. స్థానిక పుష్కర కమాండ్ కంట్రోల్ రూం నందు కృష్ణా, గుంటూరు, కర్నూలు జిల్లాల్లో చేపడుతున్న కృష్ణా పుష్కరాల 2016 డేటాపై మంగళవారం సమగ్రంగా చర్చించారు.

విజయవాడ, జూలై 26: కృష్ణా పుష్కరాల సందర్భంగా పోలీసు శాఖ రాత్రి, పగలు అప్రమత్తంగా వ్యవహరించాల్సి ఉందని పోలీసు కమిషనర్ గౌతం సవాంగ్ అన్నారు. కృష్ణా పుష్కరాల సందర్భంగా నగరంలో విధులు నిర్వహిస్తున్న పోలీసు అధికారులతో పాటు రాష్ట్రంలోని వివిధ జిల్లాల నుండి పుష్కర బందోబస్తుకు వచ్చిన పోలీసు అధికారులతో ఆయన మంగళవారం సమీక్ష సమావేశం నిర్వహించడం జరిగింది.