హైదరాబాద్, జూలై 22: హైదరాబాద్‌లో ఓ అకాడమీ సంస్థ బోర్డు తిప్పేసింది. నగరంలోని కర్మన్‌ఘాట్‌లో ఉన్న నాగార్జున అకాడమీ సంస్థ నిర్వాహకులు శుక్రవారం కనిపించకుండా పోయారు. ఆయా పరీక్షల్లో ఫెయిల్ అయిన విద్యార్థులను తప్పకుండా పాస్ చేస్తామంటూ ఒక్కో విద్యార్థి నుంచి అకాడమీ నిర్వాహకులు రూ. 30 వేల నుంచి రూ. 40 వేల చొప్పున వసూలు చేశారు.

విశాఖపట్నం, జూలై 22: నల్లధనం వెలికతీతలో ఆడిటర్లదే కీలకపాత్రని ఆర్థిక శాఖ మంత్రి యనమల రామకృష్ణుడు అభిప్రాయపడ్డారు. రాష్టస్థ్రాయి చార్టడ్ అకౌంటెంట్ల సదస్సు విశాఖలో శుక్రవారం జరిగింది. ముఖ్యఅతిథిగా పాల్గొన్న మంత్రి యనమల మాట్లాడుతూ నల్లధనం తెల్లధనంగా మారితే దేశంలో ఆర్థిక అసమానతలు తొలగిపోతాయని అన్నారు. ఈ ప్రక్రియ న్యాయబద్ధంగా జరగాలంటే ఆడిటర్లు నిజాయితీగా వ్యవహరించాలని పిలుపునిచ్చారు.

విజయవాడ, జూలై 22: గడిచిన రెండేళ్లలో రాష్ట్రంలో శాంతి భద్రతలు పూర్తిస్థాయిలో అదుపులోకి వచ్చాయని రాష్ట్ర డిజిపి జాస్తి వెంకట రాముడు తెలిపారు. ఎర్రచందనం స్మగ్లింగ్‌పై ఉక్కుపాదం మోపడంతోపాటు కేంద్ర ద్వారా చట్ట సంస్కరణ తీసుకువచ్చి కఠిన నిర్ణయాలు అమలు చేస్తున్నామన్నారు. గత రెండేళ్ళుగా పెండింగ్‌లో ఉన్న పోలీసుశాఖ ఖాళీ ఉద్యోగాల భర్తీకి ప్రభుత్వం అనుమతినిచ్చిందని చెప్పారు.

గుంటూరు, జూలై 22: రాజధాని ప్రాంతంలో మరోసారి భూ సేక..రణం మొదలైంది.. ఇటీవల వరకు సీఆర్డీయే అధికారులు రాజధాని ప్రతిపాదిత గ్రామాల్లో సామాజిక సర్వేని పూర్తిచేశారు. 2013 భూ సేకరణ చట్టం ప్రకారం సర్వే, గ్రామసభలు నిర్వహించి ముసాయిదా నోటిఫికేషన్ జారీ చేశారు. ఈ చట్టం ప్రకారమే నష్టపరిహారం చెల్లిస్తామని, భూ సమీకరణకు ఇచ్చిన ప్యాకేజీ సేకరణ జరిపే రైతులకు వర్తించదని ముఖ్యమంత్రి ఓ సందర్భంలో స్పష్టం చేశారు.