విజయవాడ, జనవరి 23: విజయవాడ దుర్గ గుడి ఈవోగా డాక్టర్ ఎం.పద్మను ప్రభుత్వం నియమించింది. ఏపీ బ్రాహ్మణ కార్పొరేషన్ ఎండీగా వ్యవహరిస్తున్న ఆమెను పూర్తి స్థాయి ఈవోగా మంగళవారం నియమించింది. దుర్గగుడిలో తాంత్రిక పూజల వ్యవహారంలో అప్పటి ఈవో సూర్యకుమారిపై బదిలీ వేటు వేసి సాధారణ పరిపాలనా విభాగానికి బదిలీ చేసి, ఇన్‌చార్జి ఈవోగా దేవాదాయ శాఖ ప్రిన్సిపల్ సెక్రటరీ అనూరాధను ఇటీవల నియమించింది.

విజయవాడ, జనవరి 23: గణతంత్ర దినోత్సవాన్ని పురస్కరించుకుని రాష్ట్రంలోని వివిధ కారాగారాల్లో జీవిత ఖైదు అనుభవిస్తున్న వారిని విడుదల చేసే అంశంపై రాష్ట్ర ప్రభుత్వం కసరత్తు చేస్తోంది. ఈ మేరకు ఉన్నతాధికారులతో కమిటీని నియమించింది. వివిధ రాజకీయ పార్టీలు, ప్రజా ప్రతినిధులు, ఖైదీల బంధువుల నుంచి జీవిత ఖైదీల విడుదలపై ప్రభుత్వానికి వినతులు అందాయి.

పొన్నూరు, జనవరి 23: రాష్ట్రంలోని అన్ని మండలాల్లో కాపులకు బీసీ (ఎఫ్) సర్ట్ఫికెట్ మంజూరు చేసినప్పుడే అసలైన రిజర్వేషన్ వర్తింప చేసినట్లవుతుందని కాపునాడు కన్వీనర్, మాజీ మంత్రి ముద్రగడ పద్మనాభం అన్నారు. గుంటూరు జిల్లా పొన్నూరులో మంగళవారం జరిగిన విలేఖర్ల సమావేశంలో ఆయన మాట్లాడారు. కాపుల రిజర్వేషన్ బిల్లుకు ఇప్పటికే శాసనసభ, శాసనమండలి ఆమోదంతో పాటు గవర్నర్ సంతకం కూడా చేశారన్నారు.

విజయవాడ, జనవరి 23: రాష్ట్రంలో కల్తీ, ఇరుగు పొరుగు రాష్ట్రాల మద్యం అమ్మకాల నియంత్రణకు రాష్ట్ర ఎక్సైజ్ శాఖ గట్టి చర్యలు చేపట్టింది. మద్యం తయారీ నుంచి పంపిణీ, నిలువ, విక్రయం వరకు ఎక్సైజ్ శాఖ కనుసన్నల్లో నడిచేలా అన్ని మద్యం దుకాణాల్లో ‘హెడానిక్ పాత్ ఫైండర్ సిస్టిం’ (హెచ్‌పిఎఫ్‌ఎస్)ను విధిగా ప్రతి మద్యం దుకాణంలో ఏర్పాటు చేసుకోవాల్సి ఉంది. సుమారు రూ.