కాకినాడ, జూలై 30: మాజీ మంత్రి, కాపు ఉద్యమనేత ముద్రగడ పద్మనాభం గృహ నిర్బంధం ఆదివారం ఐదవ రోజుకు చేరింది. ఆగస్టు 2వ తేదీ వరకు ముద్రగడకు గృహ నిర్బంధాన్ని విధిస్తూ పోలీసులు నోటీసులు జారీ చేసిన విషయం విదితమే. ముద్రగడ ఇంటి బయట నిషేధాజ్ఞలు అమలులో ఉండగా, మరోవైపు ఆదివారం ఉదయం వివిధ ప్రాంతాలకు చెందిన కాపు నేతలు ఆయన నివాసానికి చేరుకున్నారు.

విశాఖపట్నం, జూలై 30: రాష్ట్ర వ్యాప్తంగా ఆదివారం నిర్వహించిన ఏపి సెట్ పరీక్షకు 75.17 శాతం మంది అభ్యర్థులు హాజరైనట్టు ఏపి సెట్ మెంబర్ సెక్రటరీ కె.శ్రీనివాసరావు తెలిపారు. 67 పరీక్షా కేంద్రాల్లో ఈ పరీక్షలు ప్రశాంతంగా జరిగాయని చెప్పారు. ఈ పరీక్షకు సంబంధించిన ప్రశ్నా పత్రాన్ని ఎయు విసి నాగేశ్వరరావు ఆదివారం ఉదయం విడుదల చేశారు. 31 సబ్జెక్ట్‌ల్లో ఈ పరీక్ష నిర్వహించినట్టు శ్రీనివాసరావు పేర్కొన్నారు.

తిరుపతి, జూలై 30: ఏడాది వయసు కలిగిన ఓ చిన్నారిని తిరుమలలోని డిఎన్‌బి షెడ్ వద్ద గుర్తుతెలియని వ్యక్తులు వదిలివెళ్లారు. ఆ చిన్నారి ఏడుపులు విని స్థానికులు పోలీసులకు సమాచారం అందించారు. దీంతో టూటౌన్ ఇన్స్‌పెక్టర్ కె.వెంకటరవి తన సిబ్బందితో అక్కడికి చేరుకుని బాబు చెంత తిరుమల బాలాజి అనే పసుపురంగు బ్యాగు ఉండటాన్ని గుర్తించారు.

రాజమహేంద్రవరం, జూలై 30: నిర్దేశిత లక్ష్యం మేరకు పురుషోత్తపట్నం ఎత్తిపోతల పథకం పూర్తి చేయడానికి మల్లగుల్లాలు పడుతున్న అధికార యంత్రాంగం, ప్రత్యామ్నాయ మార్గాల ద్వారానైనా నీరివ్వడానికి ప్రయత్నాలు సాగిస్తోంది. ఆగస్టు 15 నుంచి పురుషోత్తపట్నం ఎత్తిపోతల పథకం ద్వారా నీళ్లిస్తామని ముఖ్యమంత్రి చంద్రబాబునాయుడు ప్రకటించడంతో అందుకు అవసరమైన అన్నిచర్యలు తీసుకుంటున్నారు.