విశాఖపట్నం, ఆగస్టు 1: విశాఖ భూ కుంభకోణాలపై విచారణ చేపట్టడానికి సాక్షాత్తూ ప్రభుత్వం నియమించిన స్పెషల్ ఇనె్వస్టిగేషన్ టీం (సిట్)పై అధికార పక్ష నాయకులు దుమారం లేపుతున్నారు. విశాఖ భూ కుంభకోణాలపై సిబిఐతో విచారణ జరిపించాలని విపక్షాలన్నీ ఏకమై డిమాండ్ చేసినా, ప్రభుత్వం సిట్‌ను నియమించింది. రాష్ట్ర ప్రభుత్వ అధీనంలో పనిచేసే వ్యవస్థ కాబట్టి సిట్‌పై ముందు చాలా మందికి అనుమానాలు ఉండేవి.

నంద్యాల, ఆగస్టు 1: కర్నూలు జిల్లా నంద్యాల అసెంబ్లీ స్థానానికి ఈనెలలో జరుగనున్న ఉప ఎన్నికలో కాంగ్రెస్ పార్టీ అభ్యర్థిగా అబ్దుల్ ఖాదర్ పేరును పార్టీ అధిష్టానం ఖరారు చేసింది. ఖాదర్ 1994 నుంచి కాంగ్రెస్ పార్టీలో ఉంటూ క్రియశీలక పదవులు చేపట్టారు. ఐఎన్‌టియుసిలో కొంతకాలం పనిచేశారు. హైకోర్టులో న్యాయవాదిగా పనిచేస్తున్నారు. గతంలో నంద్యాల అసెంబ్లీ టికెట్ కోసం ఆయన ముమ్మరంగా ప్రయత్నాలు చేశారు.

శ్రీకాకుళం, జూలై 31: దక్షిణకాశీ అయిన శైవక్షేత్రం, శ్రీకాకుళం జిల్లా జలుమూరు మండలంలో శ్రీముఖలింగం గ్రామంలో శ్రీముఖలింగేశ్వర స్వామి క్షేత్రంలో సోమవారం అష్టతీర్థ మహారాజ యాగం ప్రారంభమైంది. ఆగస్టు ఏడో తేదీ వరకూ జరిగే ఈ ఉత్సవాల్లో భాగంగా మొదటిగా పులిబండ ఘాట్‌వద్ద దేవాదాయశాఖ, అర్చక సంఘం సంయుక్తంగా పర్లాఖిమిడి మహారాజావారి పేరున ప్రత్యేక పూజలు నిర్వహించారు.

హైదరాబాద్, జూలై 31: ప్రభుత్వ ఉద్యోగుల పని తీరు ఆధారంగా బలవంతంగా పదవీ విరమణ చేయిస్తే తాము చూస్తూ ఊరుకోమని వైఎస్సార్ కాంగ్రెస్ పార్టీ ఎమ్మెల్యే ఆర్‌కె రోజా రాష్ట్ర ప్రభుత్వాన్ని హెచ్చరించారు.