గాజువాక, జూలై 29: హిందుస్థాన్ పెట్రోలియం కార్పొరేషన్ విశాఖపట్నం రిఫైనరీలోని 01బి క్రూడాయిల్ ట్యాంక్‌పై శనివారం రాత్రి పిడుగు పడింది. దీంతో క్రూడాయిల్ ట్యాంకులో ఒక్కసారిగా మంటలు లేచాయి. అయితే హెచ్‌పిసిఎల్ అధికారులు వెంటనే స్పందించి అత్యవసర అలారాన్ని మోగించడంతో అధికారులు, ఉద్యోగులు అప్రమత్తమయ్యారు. సంఘటనా స్థలానికి చేరుకున్న అధికారులు అగ్నిమాపక శకటాలకు సమాచారం అందించారు.

తిరుపతి, జూలై 29: నంద్యాలలో ప్రస్తుతం జరుగుతున్న ఉప ఎన్నికలు ప్రజల ఆత్మగౌరవానికి, టిడిపి అహంకారానికి మధ్య జరుగుతున్న పోరని వైకాపా ఎమ్మెల్యే రోజా అన్నారు. తిరుపతి ప్రెస్‌క్లబ్‌లో శనివారం ఆమె విలేఖరులతో మాట్లాడుతూ టిడిపి మంత్రులపైన తీవ్ర స్థాయిలో మండిపడ్డారు. ఎత్తు పెరిగిన మంత్రి అచ్చన్నాయుడికి కొంచెం కూడా బుద్ధి పెరిగినట్లు కనిపించడంలేదని రోజా అన్నారు.

హైదరాబాద్, జూలై 29: ‘మా అమ్మ, భార్య బ్రహ్మణీ బాగా కష్టపడుతుంటారు.. నేను, నాన్న (చంద్రబాబు) ఖర్చు పెడుతూ ఉంటాం..’ అని ‘్ఫక్కి’ సదస్సులో లోకేష్ అనగానే సభికులంతా ఒక్కసారిగా నవ్వేశారు. మహిళల సమస్యలపై చాలా మంది మాట్లాడారని, పాఠశాలల విద్యార్థులకు పాలు ఇవ్వాలని కొంతమంది మహిళలు తమ ప్రసంగాల్లో చేసిన వినతిని ఎపి ముఖ్యమంత్రి చంద్రబాబు నాయుడు దృష్టికి తీసుకెళతానని ఆయన చెప్పారు.

రాజమహేంద్రవరం, జూలై 29: గోదావరి బేసిన్‌లో వరి నాట్లు మందకొడిగా సాగుతున్నాయి..పట్టిసీమ నేపధ్యంలో కృష్ణా బేసిన్‌లో మాత్రం జోరుగా ఖరీఫ్ సాగింది. గోదావరి బేసిన్‌లో ఈ నెలాఖరుకు నాట్లు పూర్తి చేయాలని అధికారులు చేసిన ప్రయత్నాలు ఫలించలేదు. ఉభయ గోదావరి జిల్లాల డెల్టాల కింద 9.80 లక్షల ఎకరాల ఆయకట్టు సాగు మొదలెట్టారు. కౌలురైతులకు సకాలంలో రుణాల అందని స్థితిలో నాట్లు ఆలస్యానికి ఒక కారణంగా తెలుస్తోంది.