చిత్తూరు, జూలై 22: రాయలసీమ అభివృద్ధిపై ముఖ్యమంత్రి చంద్రబాబునాయుడుకు చిత్తశుద్ధి లేదని సిపిఎం పొలిట్ బ్యూరో సభ్యులు బివి రాఘవులు ఆరోపించారు. శనివారం చిత్తూరులో ఆయన విలేఖర్లతో మాట్లాడుతూ రాయలసీమ ప్రాంతం నుంచి అనేక మంది ముఖ్యమంత్రులు అయినా ఈ ప్రాంత అభివృద్ధికి ఎవరూ పాటుపడలేదన్నారు.

విజయవాడ, జూలై 22: ప్రకాశం జిల్లా దేవరపల్లిలో ప్రశాంతమైన వాతావరణానికి భంగం కలిగించేలా వైకాపా నాయకులు వ్యవహరిస్తున్నారని రాష్ట్ర ఎక్సైజ్ శాఖ మంత్రి జవహర్ ఆరోపించారు. దళితులను అడ్డం పెట్టుకుని రాజకీయాలు చేస్తూ అభివృద్ధిని అడ్డుకోవడం సమాజానికి మంచిది కాదని శనివారం ఇక్కడ ఆయన ఒక ప్రకటనలో పేర్కొన్నారు.

పలమనేరు, జూలై 22: చేతికొచ్చిన పంటను కాపాడాలన్న తపనతో పొలం వద్ద కాపలా ఉన్న రైతును ఏనుగుల గుంపు తొక్కి చంపాయి. ఈ ఘటన చిత్తూరు జిల్లా పలమనేరు మండలంలో శనివారం జరిగింది. పంటలకు నష్టం కలుగచేస్తున్న ఏనుగులను తరిమివేసే ప్రయత్నంలో రైతు ప్రాణాలు కోల్పోయాడు. పలమనేరు మండలంలోని పి. వడ్డూరు గ్రామంలో రైతు చిన్నప్ప(58) పంట పొలాలను ఏనుగుల గుంపును తన పొలంలోకి రాకుండా తరిమే ప్రయత్నం చేశాడు.

విజయవాడ, జూలై 22: మెడికల్ కౌన్సిల్ ఆఫ్ ఇండియా నిబంధనలకు విరుద్ధంగా దేశంలో ఏ రాష్ట్రంలోనూ లేనివిధంగా పిజి పట్ట్భద్రులు విధిగా ఏడాది పాటు నిర్బంధ ప్రభుత్వ సర్వీస్ చేయాలనే వేధింపులు నానాటికీ శృతిమించుతున్నాయని మెడికల్ జూనియర్ డాక్టర్ల అసోసియేషన్ అధ్యక్ష, ప్రధా న కార్యదర్శులు డాక్టర్ ఉప్పలపాటి రఘురాం, డాక్టర్ చైతన్య తీవ్ర ఆందోళన వ్యక్తం చేశారు.