విజయవాడ, జూలై 21: వివిధ రంగాల్లో వృద్ధి రేటును కొనసాగించేందుకు వీలుగా విజయవాడలో స్ట్రాటజిక్ ఇన్‌స్టిట్యూట్ ఫర్ ట్రాన్స్‌ఫార్మింగ్ ఎపి (సిట్ ఎపి)ని ఏర్పాటు చేయనున్నారు. రాష్ట్రంలో పెట్టుబడులకు అనువైన వాతావరణ కల్పన, ఆర్థికాభివృద్ధికి ఊతం ఇచ్చేలా ఇతర రాష్ట్రాలు, దేశాలతో వివిధ అంశాల్లో పోటీతత్వం పెంపొందిచడం వంటి చర్యలను ప్రభుత్వం చేపడుతోంది.

విశాఖపట్నం, జూలై 21: ప్రశాంత్ కిషోర్ (పికె)..ప్రస్తుతం రాష్ట్ర రాజకీయ వర్గాల్లో ఎవరి నోట విన్నా ఇదే పేరు వినిపిస్తోంది. మోదీని ప్రధానిగా, నితీష్‌ను ముఖ్యమంత్రిగా చేయడంలో ప్రముఖ పాత్ర పోషించిన ప్రశాంత్ కిషోర్ వచ్చే ఎన్నికల్లో వైకాపాను అధికారంలో తెచ్చే బాధ్యతను భుజానికెత్తుకున్నారు. ఇటీవల జరిగిన వైకాపా ప్లీనరీ సమావేశంలో ప్రశాంత్ కిషోర్‌ను పార్టీ క్యాడర్‌కు జగన్ పరిచయం చేసిన సంగతి తెలిసిందే.

విజయవాడ, జూలై 21: ఎన్టీఆర్ జలసిరి కింద వేసిన 17 వేల బోర్లను మూడు నెలల్లో వినియోగంలోకి తీసుకురావాలని అధికారులను మంత్రి లోకేష్ ఆదేశించారు. వ్యవసాయం, వ్యవసాయాధారిత రంగాలతో ఉపాధిహామీ పథకం అనుసంధానానికి చేపడుతున్న కార్యక్రమాలపై ఆయన వెలగపూడి సచివాలయంలో శుక్రవారం సమీక్ష నిర్వహించారు. ఈ సందర్భంగా ఆయన మాట్లాడుతూ గ్రామాల అభివృద్ధికి 7 స్టార్ కార్యక్రమాన్ని ప్రారంభించామని తెలిపారు.

న్యూఢిల్లీ, జూలై 21: ఆంధ్రాకు కరవు సహాయక చర్యలకోసం జాతీయ విపత్తు నిధి నుంచి రూ.518 కోట్లు విడుదలకు ఆమోదం తెలిపినట్టు కేంద్ర వ్యవసాయ సహాయ మంత్రి ఎస్.ఆహ్లువాలియా తెలిపారు. ఆంధ్రాలో నెలకొన్న కరువు సహాయ చర్యలకోసం రూ.3173 కోట్లు విడుదల చేయాల్సిందిగా కేంద్రాన్ని కోరిన నేపథ్యంలో వైఎస్సాఆర్‌సిపి ఎంపి విజయ సాయిరెడ్డి రాజ్యసభలో ఆంధ్రాకు కేంద్రం కరవు సహాయంపై అడిగిన ప్రశ్నకు కేంద్ర మంత్రి సమాధానం ఇచ్చారు.