తిరుపతి, డిసెంబర్ 23: తిరుపతి-కడప మార్గమధ్యంలోని వెలుగుదోన వద్ద ఉన్న జ్యోతి కాలనీ సమీప అటవీప్రాంతంలో గురువారం టాస్క్ఫోర్స్, అటవీశాఖ అధికారులపై ఎర్రకూలీలు రాళ్ళ దాడి చేశారు. దాదాపు 150 మంది కూలీలు తమకు ఎదురుపడ్డ టాస్క్ఫోర్స్ సిబ్బందిపై ఒక్కసారిగా రాళ్ళవర్షం కురిపించి పోలీసులు తేరుకునేలోగా సంఘటనా స్థలం నుంచి పారిపోయారన్నారు.

జంగారెడ్డిగూడెం, డిసెంబర్ 23: జనవరి 2నుండి నిర్వహించబోయే జన్మభూమి-మా ఊరు కార్యక్రమంలో రాష్ట్రంలో దరఖాస్తు చేసుకున్న 4.8 లక్షల మందికి రేషన్ కార్డులు మంజూరు చేస్తామని రాష్ట్ర పౌర సరఫరాల శాఖ మంత్రి పరిటాల సునీత వెల్లడించారు. పశ్చిమగోదావరి జిల్లా జంగారెడ్డిగూడెంలో శుక్రవారం పలు అభివృద్ధి, సంక్షేమ కార్యక్రమాలలో మంత్రి పరిటాల సునీత పాల్గొన్నారు.

గుంతకల్లు, డిసెంబర్ 23: కదులుతున్న రైలులో ఓ టిటిఇ పబ్లిక్‌గా రాసలీలలు సాగించాడు. తాగిన మత్తులో ఓ మహిళతో బెర్త్‌పై రాసలీలలు సాగిస్తుండగా గమనించిన ప్రయాణికులు నిలదీయడంతో రైలు నుంచి దిగిపోయిన సంఘటన శుక్రవారం తెల్లవారుజామున చోటుచేసుకుంది. టిటిఇ రాసలీలలను వీడియో, ఫొటోల్లో బంధించిన కొంతమంది ప్రయాణికులు వాటిని రైల్వే బోర్డుకు పంపి ఫిర్యాదు చేశారు.

తిరుపతి, డిసెంబర్ 23: కంచి కామకోటి పీఠాధిపతి జయేంద్ర సరస్వతి స్వామి శుక్రవారం తిరుమల శ్రీ వేంకటేశ్వరస్వామిని దర్శించుకున్నారు. ఉదయం ఆలయ మహాద్వారం వద్దకు చేరుకున్న స్వామీజికి ఆలయ అర్చకులు ఇస్తికపాల్ స్వాగతం పలికారు. జె ఇ ఓ శ్రీనివాసరాజు సాధరంగా ఆయన్ను ఆలయంలోకి ఆహ్వానించి స్వామి సన్నిధిలోకి తీసుకువెళ్ళారు. ఈసందర్భంగా స్వామీజి తన శిష్య బృందంతో కొన్ని నిమిషాల పాటు మూల విరాట్టును దర్శించుకున్నారు.