ఆదోని, డిసెంబర్ 24: తుంగభద్ర బోర్డు లెక్కలన్నీ తప్పులతడకలని ఆంధ్రా రైతులు ఆరోపిస్తున్నారు. దశాబ్దాలుగా ఆంధ్రా నీటివాటాలో కోత విధిస్తున్నారని, ఇదే మని ప్రశ్నోంచే నాథుడే లేకపోవడంతో వారు జల చౌర్యానికి అడ్డూఅదుపులేకుండా పోయిందని అంటున్నారు. జలాశయం నీటిని నిబంధనల మేరకు ఆంధ్రాకు విడుదల చేయకుండా కర్నాటకలోని పొలాలు, ఫ్యాక్టరీలకు మళ్లిస్తున్నారని ఆరోపిస్తున్నారు.

విశాఖపట్నం, డిసెంబర్ 24: తెలుగింటి ఆడపడచుల ఆత్మగౌరవం పేరుచెప్పుకుంటున్న టిడిపి పాలనలో సొంత పార్టీ మహిళా సభ్యులకే రక్షణ కరువైందని వైకాపా ఎమ్మెల్యే ఆర్‌కె రోజా ధ్వజమెత్తారు.

కర్నూలు, డిసెంబర్ 24: భూ సేకరణ నష్టపరిహారం కేసులకు సంబంధించి ప్రత్యేక కోర్టులు ఏర్పాటు చేసే విషయంపై మరోమారు సీఎం చంద్రబాబుతో చర్చిస్తానని ఉప ముఖ్యమంత్రి, రెవెన్యూశాఖ మంత్రి కెయి కృష్ణమూర్తి అన్నారు. కర్నూలులో శనివారం నిర్వహించిన రాష్ట్ర స్థాయి న్యాయవాద సంఘాల ప్రతినిధుల సమావేశంలో ఆయన ముఖ్య అతిధిగా పాల్గొన్నారు. ఈ సందర్భంగా న్యాయవాదులు కెయి కృష్ణమూర్తికి వినతిపత్రం సమర్పించారు.

తిరుపతి, డిసెంబర్ 24: తిరుపతి కొర్లగుంట జంక్షన్ వద్ద శనివారం ఉదయం అదుపుతప్పిన మినీ వ్యాన్ ప్రజలపైకి దూసుకెళ్లింది. రోడ్డుపక్కన నడుస్తున్న వారిని ఢీకొనడమేకాకుండా ఓ ఆటోను, ద్విచక్రవాహనాన్ని ఢీకొని విద్యుత్ స్థంబాన్ని ఢీకొని ఆగింది. ఊహించని ఈ సంఘటనతో ఆ ప్రాంతం ఒక్కసారిగా అరుపులు, కేకలతో దద్దరిల్లిపోయింది.