ముంబయి, మే 9: దేశంలోని ప్రధాన ప్రాంతాల రూట్లలో ఈనెల 11 నుంచి బిజినెస్ క్లాస్ టికెట్లను ఆఫర్ చేస్తున్నట్టు ప్రైవేటు విమాన యాన సంస్థ స్పైస్ జెట్ గురువారం నాడిక్కడ తెలిపింది. దేశీయంగా సరసమైన టికెట్ ధరలను అందజేస్తున్న ఈ సంస్థ సరికొత్త ఆఫర్‌ను బోయింగ్ 737 నిర్వహణల ద్వారా ఆరంభించనున్నట్టు తెలిపింది.

రాజమహేంద్రవరం, మే 8: పౌల్ట్రీ పరిశ్రమ వేసవి కష్టాలను ఎదుర్కొంటోంది. మాంసం కోసం ఉపయోగించే బ్రాయిలర్ కోళ్లు బరువు తగ్గడం, ఉష్ణోగ్రత తీవ్రతకు చనిపోవడం వంటి సమస్యలు ఎదురవుతున్నాయి. మరోపక్క గుడ్లు కోసం నిర్వహించే లేయర్ ఫారం కోళ్లు సైతం చనిపోతుండటం, దిగుబడి తగ్గడం, దాణా ధరలు పెరిగిపోవడం వంటి సమస్యలు చుట్టుముడుతున్నాయి. రాష్ట్రంలో రోజుకు 5 కోట్ల నుండి 6 కోట్ల వరకు గుడ్లు ఉత్పత్తవుతాయి.

న్యూఢిల్లీ: భారత్-చైనా దేశాల మధ్య వాణిజ్య ఒప్పందాలకు రంగం సిద్ధమైంది. ఇరు దేశాల అధికారులు బుధవారం ఇక్కడ సమావేశమై వివిధ అంశాలపై చర్చించి నిర్ణయాలు తీసుకున్నారు. వ్యవసాయ రంగానికి సంబంధించిన అంశాలు ఈ చర్చలో కీలకం కానున్నాయి. చైనా కస్టమ్స్, సాధారణ పాలన శాఖ ఉప మంత్రి లీ కుయొ తమ దేశ బృందానికి నాయకత్వం వహిస్తారు.

న్యూఢిల్లీ, మే 8: టెలికాం రంగం అభివృద్ధి దేశంలో స్థిరంగా కొనసాగుతోంది. విస్తారమైన మార్కెట్ దేశంలో ఉన్నప్పటికీ పోటీ కూడా అంతే తీవ్రంగా ఉంది. దీంతో వివిధ మొబైల్ కంపెనీలు సరికొత్త ప్రణాళికలతో ముందుకు వస్తున్నాయి. సరికొత్త ప్రణాళికలను ఎప్పటికప్పుడు సిద్ధం చేసుకుంటున్నాయి. ప్రత్యర్థుల కంటే మెరుగైన సేవలను అందించడం ద్వారా ఖాతాదారులను ఆకట్టుకునేందుకు ప్రయత్నిస్తున్నాయి.