న్యూఢిల్లీ: అత్యంత విలువైన ఆస్తులు కలిగిన టాప్‌టెన్ జాబితాలోని ఆరు కంపెనీలు గత వారం నష్టాలను చవిచూశాయి. మార్కెట్ విలువలో ఈ కంపెనీలు మొత్తం 89,531 కోట్ల రూపాయలను కోల్పోయాయి. టాటా కన్సల్టెన్సీ సర్వీసెస్ (టీసీఎస్) ఆస్తుల విలువ సైతం 34 వేల కోట్లకు తగ్గిపోయింది. రిలయన్స్ ఇండస్ట్రీస్ (ఆర్‌ఐఎల్), ఇన్‌ఫోసిస్, కోటక్ మహీంద్రా బ్యాంకు, మారుతీ సుజుకీ నష్టాలను మూటగట్టుకున్నాయి.

న్యూఢిల్లీ, డిసెంబర్ 23: భారత ప్రధాన మార్కెట్లలోకి గడచిన మూడు వారాలుగా విదేశీ పెట్టుబడులు వెల్లువలా వస్తున్నాయి. సుమారు నాలుగు వేల కోట్ల రూపాయలకు పైగా విదేశీ ఇనె్వస్టర్లు ఈ మూడువారాల్లో మదుపు చేశారు. అమెరికన్ డాలర్‌తో భారత రూపాయి విలువ పెరగడం, ముడిచమురు ధరల్లో తరుగుదల ఈ పరిణామానికి దోహదం చేశాయని ఆర్థిక నిపుణులు అంచనా వేస్తున్నారు.

న్యూఢిల్లీ, డిసెంబర్ 23: బ్యాంక్ ఆఫ్ బరోడా, విజయా బ్యాం క్, దేనా బ్యాంకులను విలీనం చేయాలన్న ప్రతిపాదన ఈనెలాఖరులోగా కార్యరూపం దాల్చనుందని విశ్వసనీయ వర్గాలు తెలిపాయి. జనవరి 8 వరకు జరిగే ప్రస్తుత పార్లమెంట్ సమావేశాల్లో ఈ బ్యాం కుల విలీన పథకం చర్చకు వచ్చే అవకాశాలున్నాయంటున్నారు. ఇప్పటికే ఈ మూడు బ్యాంకులకు సంబంధించిన బోర్డులు విలీన ప్రతిపాదనలకు ఆమోదం తెలిపాయి.

ముంబయి, డిసెంబర్ 23:ప్రభుత్వ, ప్రైవేటు బ్యాంకులకు చెందిన సుమారు మిలియన్ మంది ఉద్యోగులు ఈనెల 26న ఒక రోజు సమ్మె చేయనున్నారు. తొమ్మిది ఉద్యోగ సంఘాలు ఆదివారం సమ్మెకు పిలుపునిచ్చాయి. బ్యాంక్ ఆఫ్ బరోడాలోకి విజయా, దేనా బ్యాంకులను విలీనం చేయాలన్న ప్రతిపాదనకు నిరసనగా ఈ సమ్మెకు పిలుపునిచ్చినట్టు ఉద్యోగ సంఘాల నేతలు చెప్పారు.