న్యూఢిల్లీ, డిసెంబర్ 26: భారత దేశ బ్యాంకింగ్ చరిత్రలో ఎన్నో చేదు అనుభవాలను, తీపి గుర్తులను నిక్షిపత్తం చేసుకుంటూ 2018 ముగియబోతోంది. వేలాది కోట్ల రూపాయల రుణాల ఎగవేతలు, అప్పులు తీసుకున్న వ్యక్తుల పరారీ, సీఈవోలకు ఉద్వాసన వంటివి ఈ రంగాన్ని కుదేలు చేశాయి. వివిధ బ్యాంకులను ఆదుకునేందుకు ఎస్‌బీఐలో పలు బ్యాంకులను ప్రభుత్వం విలీనం చేయడం ఓ కీలక పరిణామం.

న్యూఢిల్లీ, డిసెంబర్ 26: విద్యుత్ ఉత్పాదనకు బొగ్గు కొరతను దృష్టిలో ఉంచుకుని వచ్చే యేడాది కోల్ ఇండియా లిమిటెడ్స్ (సీఐఎల్)కి అదనంగా గనులను కేటాయించాలని కేంద్ర ప్రభుత్వం భావిస్తోంది. ప్రస్తుతం సీఐసీకి కేటాయించిన బొగ్గుగనులతోబాటు అదనంగా 10 గనులు కేటాయించడం జరుగుతుందని, తద్వారా ఉత్పత్తిని పెంచాలన్నది ప్రభుత్వ ఉద్దేశమని సంబంధిత అధికార వర్గాలు బుధవారం నాడిక్కడ వెల్లడించాయి.

న్యూఢిల్లీ, డిసెంబర్ 26: భారత విమానయాన సంస్థ ఎయిర్ ఇండియాకు అంతర్జాతీయంగా ఉన్న ఆస్తులు, వాటిద్వారా సమకూరుతున్న ఆదాయ వివరాలను వెల్లడించాలని కేంద్ర సమాచార కమిషన్ (సీఐసీ) బుధవారం ఆదేశించింది. ఈ యేడాది ఏప్రిల్ నాటికి ఎయిర్ ఇండియా ఆస్తుల ద్వారా వస్తున్న కిరాయి, లీజు వివరాలు, మొత్తం ఆస్తుల విలువ, విస్తరణ తదితర వివరాలను ఇవ్వాల్సిందిగా కోరుతూ అసీమ్ తక్యార్ అనే వ్యక్తి సమాచార హక్కు చట్టం ద్వారా కోరారు.

విజయవాడ, డిసెంబర్ 26: ప్రభుత్వ రంగంలోని విజయా బ్యాంక్, దేనా బ్యాంక్‌లను బ్యాంక్ ఆఫ్ బరోడాలో విలీనం చేసే ప్రయత్నాలను నిరసిస్తూ దేశ వ్యాప్త పిలుపు మేరకు బుధవారం రెండు తెలుగు రాష్ట్రాలోని బ్యాంక్ అధికారులు, ఉద్యోగులు నిర్వహించిన సమ్మె విజయవంతమైంది. దీంతో దాదాపు 5వేల వివిధ బ్యాంక్‌ల బ్రాంచీలు మూతపడ్డాయి. కోట్లాది రూపాయల ఆర్థిక లావాదేవీలు స్తంభించాయి.