న్యూఢిల్లీ, నవంబర్ 13: కేంద్ర ఆర్థిక మంత్రి త్వ శాఖ 2020-21 ఆర్థిక సంవత్సరానికి ప్రవేశపెట్టనున్న బడ్జెట్‌ను రూపొందించే కసరత్తును ప్రారంభించింది. ఇందులో భాగంగా ప్రత్యక్ష, పరోక్ష పన్నుల్లో చేయవలసిన మార్పుల గురించి సూచనలు ఇవ్వవలసిందిగా పరిశ్రమ వర్గాలను, వాణిజ్య సంస్థలను కోరింది. ఆర్థిక మంత్రిత్వ శాఖ ఇలా సూచనలు ఇవ్వాల్సిందిగా కోర డం బహుశా ఇదే మొదటిసారి.

న్యూఢిల్లీ, నవంబర్ 12: మదుపర్లు గడచిన అక్టోబర్ మాసంలో ‘బంగారు మారక వాణిజ్య నిధి’ (ఈటీఎఫ్‌లు) నుంచి రూ. 31 కోట్లు ఉపసంహరించుకున్నారు. అంతకు ముందు రెండు నెలల కాలంగా స్టాక్ మార్కెట్లలో నెలకొన్న అనిశ్చితి కారణంగా బంగారానే్న పెట్టుబడులకు భత్రతతో కూడిన మార్గంగా భావించి రూ. 200 కోట్లు మదుపుచేశారు. తాజా పరిస్థితుల్లో లాభాల స్వీకరణకు పాల్పడ్డారని వాణిజ్య వర్గాలు తెలిపాయి.

న్యూఢిల్లీ, నవంబర్ 12: ఈ ఆర్థిక సంవత్సరంలో దేశ స్థూల జాతీయోత్పత్తి (జీడీపీ) వృద్ధిరేటు అంచనాలను స్టేట్ బ్యాంక్ ఆఫ్ ఇండియా (ఎస్బీఐ) ఆర్థిక పరిశోథనా విభాగం తాజాగా 5 శాతానికి కుదించింది. రాబోయే ఆర్థిక సంవత్సరంలో జీడీపీ వృద్ధిరేటు 6.1 శాతంగా ఉంటుందని గతంలోప్రకటించిన ఈ విభాగం తాజాగా ఆ అంచనాలను సవరించి 5 శాతానికి కుందించడం విశేషం.

న్యూఢిల్లీ: రానున్న పది, పదిహేను సంవత్సరాల్లో భారతదేశం పది ట్రిలియన్ డాలర్ల ఆర్థిక వ్యవస్థగా ఎదగగలదన్న విశ్వాసాన్ని రక్షణ మంత్రి రాజ్‌నాథ్ సింగ్ వ్యక్తం చేశారు.