న్యూఢిల్లీ, జూన్ 23: ప్రభుత్వరంగ సంస్థ, బొగ్గు ఉత్పాదక దిగ్గజం కోల్ ఇండియా లిమిటెడ్ (సిఐఎల్).. ప్రస్తుత ఆర్థిక సంవత్సరం (2017-18) ఏప్రిల్-మే వ్యవధిలో విద్యుదుత్పాదక సంస్థలకు 64.7 మిలియన్ టన్నుల బొగ్గును సరఫరా చేసింది. గత ఆర్థిక సంవత్సరం (2016-17) ఏప్రిల్-మేలో 65.8 మిలియన్ టన్నుల బొగ్గును సరఫరా చేయడంతో ఈసారి దాదాపు 2 శాతం తగ్గుముఖం పట్టినట్లైంది.

న్యూఢిల్లీ, జూన్ 23: దేశీయ మార్కెట్‌లో 39,315 యూనిట్ల ఫియస్టా క్లాసిక్, పాత ఫిగో మోడల్ వాహనాలను ఫోర్డ్ శుక్రవారం రీకాల్ చేసింది. 2004 నుంచి 2012 మధ్య చెన్నై ప్లాంట్‌లో ఈ రెండు మోడల్స్ తయారవగా, పవర్ స్టీరింగ్‌కు సంబంధించి గుర్తించిన సమస్యను తొలగించడానికే ఈ రీకాల్ అని ఫోర్డ్ ప్రకటించింది. వాహనదారులు తమ డీలర్ల వద్దకు వెళ్తే సమస్యను తొలగిస్తారని ఓ ప్రకటనలో స్పష్టం చేసింది.

విజయవాడ, జూన్ 22: దేశవ్యాప్తంగా వస్తు, సేవల పన్ను (జిఎస్టీ) అమల్లోకి రానున్న నేపథ్యంలో ఆంధ్రప్రదేశ్ వస్తు, సేవల పన్ను (ఎపి జిఎస్టీ) చట్టం నోటిఫికేషన్‌ను ప్రభుత్వం గురువారం జారీ చేసింది. దీంతో రాష్ట్రంలో జిఎస్టీ అమలుకు మార్గం సుగమమైంది. ఇందుకు సంబంధించి నాలుగు జీవోలను ప్రభుత్వం జారీ చేసింది.

న్యూఢిల్లీ, జూన్ 22: ప్రభుత్వ రంగ విమానయాన సంస్థ ఎయిర్ ఇండియా రుణాలు తలకు మించి భారంగా మారాయని, అందువల్ల దాన్ని ప్రైవేటు పరం చేయడం మంచిదని నీతి ఆయోగ్ ఉపాధ్యక్షుడు అరవింద్ పనగరియా అంటూ, ఎయిరిండియా భవితవ్యంపై ప్రభుత్వ కార్యాచరణ ఆరునెలల్లోనే ఉండవచ్చని చెప్పారు.