న్యూఢిల్లీ, డిసెంబర్ 30: పన్నులకు సంబంధించి తమ పాత వివాదాలను పరిష్కరించుకోవడానికి కేంద్ర ప్రభుత్వం వొడాఫోన్, కెయర్న్ ఎనర్జీలాంటి కంపెనీలకు మరో నెల గడువు ఇచ్చింది. ఈ నెల 31తో ముగియనున్న ప్రత్యక్ష పన్ను వివాదాల పరిష్కార పథకాన్ని కేంద్ర ప్రత్యక్ష పన్నుల బోర్డు జనవరి 31 దాకా పొడిగించింది.

న్యూఢిల్లీ, డిసెంబర్ 30: ద్వంద్వ పన్నులకు సంబంధించి ఇప్పటికే కుదుర్చుకున్న ఒప్పందాలను సవరించి ఈ ఏడాది మారిషస్, సైప్రస్‌తో కొత్త ఒప్పందాలను కుదుర్చుకున్న భారత్.. శుక్రవారం తాజాగా సింగపూర్‌తోనూ అలాంటి ఒప్పందమే కుదుర్చుకుంది. భారత్‌లో సింగపూర్ హైకమిషనర్ లిమ్ తువాన్ కువాన్, కేంద్ర ప్రత్యక్ష పన్నుల బోర్డు చైర్మన్ సుశీల్ చంద్ర ఈ ఒప్పందంపై సంతకాలు చేశారు.

ముంబయి, డిసెంబర్ 29: వస్తు సేవల పన్ను(జిఎస్‌టి), పెద్ద నోట్ల రద్దు దేశ ఆర్థిక వ్యవస్థ తీరుతెన్నులనే పూర్తిగా మార్చివేయగలవని రిజర్వ్ బ్యాంక్ అభిప్రాయ పడింది. నోట్లరద్దు నిర్ణయం ప్రజలకు తాత్కాలికంగా ఇబ్బందులు కలగజేసినప్పటికీ, అలాగే వృద్ధి రేటుపై ఆ క్షణానికి ప్రతికూల ప్రభావం చూపించినప్పటికీ అది దేశ ఆర్థిక వ్యవస్థను పూర్తిగా మార్చి వేయగలదని ఆర్‌బిఐ పేర్కొంది.

న్యూఢిల్లీ, డిసెంబర్ 29: పెద్ద నోట్లను రద్దు చేస్తూ ప్రధాన మంత్రి నరేంద్ర మోదీ తీసుకున్న చారిత్రాత్మక నిర్ణయంతో సత్ఫలితాలు రావటం ప్రారంభమైందని కేంద్ర ఆర్థిక మంత్రి అరుణ్ జైట్లీ ప్రకటించారు. దేశవ్యాప్తంగా ప్రత్యక్ష, పరోక్ష పన్నుల వసూళ్ళు బాగా పెరిగాయని, ఆర్థిక వ్యవస్థ బాగా పుంజుకుంటోందని గురువారం తన కార్యాలయంలో ఏర్పాటు చేసిన మీడియా సమావేశంలో వెల్లడించారు.