న్యూఢిల్లీ, డిసెంబర్ 20: టొయోటా కిర్లోస్కర్ మోటార్.. ప్రీమియం ఎస్‌యువి ఫార్చునర్ అమ్మకాలు దేశీయ మార్కెట్‌లో లక్ష మార్కును దాటాయి. దాదాపు ఎనిమిదేళ్ల క్రితం 2009లో ఫార్చునర్ భారతీయ మార్కెట్‌కు పరిచయమైంది. కాగా, లక్ష అమ్మకాలు సాధించడం పట్ల టొయోటా కిర్లోస్కర్ మోటార్ డైరెక్టర్, మార్కెటింగ్ అండ్ సేల్స్ సీనియర్ ఉపాధ్యక్షుడు ఎన్ రాజా ఆనందం వ్యక్తం చేశారు.

వడోదర, డిసెంబర్ 20: పాత పెద్ద నోట్ల రద్దు నేపథ్యంలో తాము ఎదుర్కొంటున్న సమస్యలపై అఖిల భారత బ్యాంక్ ఉద్యోగుల సంఘం (ఎఐబిఇఎ), అఖిల భారత బ్యాంక్ అధికారుల సంఘం (ఎఐబిఒఎ) ఆందోళనకు దిగుతున్నాయి. ఈ నెల 28న నిరసన తెలియజేయనున్న సంఘాలు.. 29న కేంద్ర ఆర్థిక శాఖ మంత్రి అరుణ్ జైట్లీకి తమ సమస్యలపై ఓ లేఖను సమర్పించనున్నాయి.

విశాఖపట్నం, డిసెంబర్ 20: విశాఖ కేంద్రంగా ప్రత్యేక రైల్వేజోన్ అంశం మళ్ళీ తెరమీదకు వచ్చింది. చాలాకాలం స్తబ్దుగా ఉన్న ఈ అంశంపైనే ఇపుడు అందరి దృష్టిపడింది. ఇటు రైల్వేవర్గాలు, మరోపక్క ఉత్తరాంధ్ర ప్రజానీకం దీని గురించే చర్చించుకుంటున్నారు. 2017 ఫిబ్రవరిలో రైల్వేబడ్జెట్‌లోనైనా దీనిపై అధికారిక ప్రకటన చేయవచ్చని ఇటు ప్రయాణికులు, రైల్వేవర్గాలు విశ్వసిస్తున్నాయి.

విజయనగరం, డిసెంబర్ 20: విజయనగరం జిల్లాలో ఉపాధి హామీ పథకం కింద కూలీలకు చెల్లిస్తున్న వేతనం సరాసరి కంటే తక్కువగా ఉండడంపై పార్లమెంటరీ స్టాండింగ్ కమిటీ బృందం ఆగ్రహం వ్యక్తం చేసింది. ఉపాధి హామీ పథకం కింద కూలీలకు కనీస వేతనం 194 రూపాయలు చెల్లించాల్సి ఉండగా, ఇక్కడ సరాసరి 129 రూపాయలు మాత్రమే ఉండటమేమిటని జిల్లా అధికారులను కమిటీ ప్రశ్నించింది.