న్యూఢిల్లీ, నవంబర్ 14: ప్రభుత్వరంగ బ్యాంకింగ్ సంస్థ కార్పొరేషన్ బ్యాంక్ నికర లాభం ఈ ఆర్థిక సంవత్సరం (2016-17) రెండో త్రైమాసికం (జూలై-సెప్టెంబర్)లో గతంతో పోల్చితే 9 శాతం పెరిగింది. 206.28 కోట్ల రూపాయలుగా నమోదైంది. గత ఆర్థిక సంవత్సరం (2015-16) జూలై-సెప్టెంబర్‌లో ఇది 188.60 కోట్ల రూపాయలుగా ఉంది.

ఇండోర్, నవంబర్ 14: పెళ్ళిళ్ల సీజన్ వచ్చిందంటే చాలు.. కిటకిటలాడే బట్టలు, నగల మార్కెట్ ఇప్పుడు బోసిపోతోంది. జనాల వద్ద డబ్బులు లేక కాదు.. ఉన్న డబ్బులు చెల్లక. అవును.. నల్లధనం, నకిలీ కరెన్సీల నిర్మూలనకు కేంద్రంలోని నరేంద్ర మోదీ సర్కారు 500, 1,000 రూపాయల నోట్లను రద్దు చేయడం పెళ్ళిళ్ల సీజన్ అమ్మకాలను దెబ్బ తీసింది. గార్మెంట్, జ్యుయెలరీ విక్రయాలు దారుణంగా పడిపోయాయి.

ఇక్కడ కనిపించేది సరికొత్త ఎన్‌ఎఒ రోబో. అయతే ఏంటి అనుకోకండి. 19 భాషల్లో మాట్లాడగల ఈ రోబో.. నడవగలదు, పాటలు పాడగలదు, డ్యాన్సులు చేయనూగలదు. అదే దీని ప్రత్యేకత మరి. బ్యాంకులు, ఆస్పత్రులు, ఎయర్‌పోర్టుల్లో వినియోగిస్తున్న దీన్ని..ఆదివారం కోయంబత్తూర్‌లో పాన్ ఇండియా పార్ట్‌నర్ ఆఫ్ అల్బెబరన్ ఫ్రాన్స్ సిఇఒ విజయ్ షా చూపిస్తున్నారిలా.

హైదరాబాద్, నవంబర్ 13: జిఎంఆర్ సంస్థ హైదరాబాద్ డ్యూటీ ఫ్రీ (సుంక రహిత) ఉత్సవాన్ని శంషాబాద్ విమానాశ్రయంలో ప్రారంభించింది. వివిధ కంపెనీల ఉత్పత్తులను 15 శాతం డిస్కౌంట్ ఆఫర్‌పై విమాన ప్రయాణీకులకు విక్రయస్తామని హైదరాబాద్ సుంక రహిత రిటైల్ చైర్మన్ ఎస్‌జికె కిషోర్ తెలిపారు. దేశంలోని అతిపెద్ద మెగా డ్యూటీ ఫ్రీ ఉత్సవాల్లో ఇది కూడా ఒకటి అని ఆయన అన్నారు.