ఇస్లామాబాద్: పాకిస్తాన్‌లో క్వెట్టా ప్రాంతంలో శుక్రవారం జరిగిన ఆత్మాహుతి దాడిలో 70 మంది మరణించారు. 120 మందికి తీవ్రంగాయాలయ్యాయి. ఎన్నికల ర్యాలీని లక్ష్యంగా చేసుకుని తాలిబాన్ ఉగ్రవాద సంస్థకు చెందిన ఆత్మాహుతి బాంబర్ ఈ దాడికి పాల్పడినట్లు పోలీసులు తెలిపారు. ఈ నెల 25వ తేదీన పాకిస్తాన్‌లో సార్వత్రిక ఎన్నికలు జరగనున్న నేపథ్యంలో హింసాత్మక సంఘటన చోటు చేసుకుంది.

ఐక్యరాజ్య సమితి, జూలై 12: భారత్‌లో 2030 నాటికి పట్టణ జనాభా శాతం 40 శాతానికి పెరుగుతుందన్న అంచనా ఉంద ని, దానిని అందుకోవడానికి ప్రతి సంవత్సరం ఒక కొత్త చికాగో నగరాన్ని నిర్మించాల్సి ఉందని కేంద్రమంత్రి హరిదీప్ సింగ్ పూరి చెప్పారు.

టోక్యో, జూలై 11: రోగులకు సేవ చేసి ప్రాణాలు నిలపాల్సిన ఒక నర్సు విషపూరిత ఇంజెక్షన్లు ఇచ్చి చంపేస్తున్న జపాన్‌కు చెందిన ఒక నర్సు ఉదంతం వెలుగులోకి వచ్చింది. ఆమె వెల్లడించిన వివరాల ప్రకారం తాను నర్సు వృత్తిలో ఉండగా 20 మందికి అపాయకరమైన ఇంజెక్షన్లు ఇచ్చి ప్రాణాలు తీశారు. ఈ నర్సు పేరు ఆయూమీ కుబోకి. ఆమెను పోలీసులు కస్టడీలోకి తీసుకుని ప్రశ్నిస్తున్నారు.

సియోల్, జూలై 11: ఉత్తర కొరియా అణ్వస్త్రాల తయారీలో ముందంజలో ఉండి ప్రపంచాన్ని గడగడలాడిస్తోంది. కాని దేశంలోని బాలల్లో ఐదో వంతు మంది పౌష్టికాహార లేమితో సతమతమవుతున్నారు. ఈ వివరాలను ఐరాస మానవతా సహాయ విభాగం వెల్లడించింది. ఐరాస మానవత సహాయ విభాగం కార్యదర్శి మార్క్ లోకాక్ ఉత్తరకొరియాను ఇటీవల కాలంలో తొలిసారిగా సందర్శించారు. 2011 తర్వాత ఐరాస ప్రతినిధిగా ఆయన ఉత్తరకొరియాను సందర్శించడం ఇదే తొలిసారి.