శుక్రుడు అంగిరసుడి శిష్యుడు కాబట్టి బృహస్పతికి జరిగిన అన్యాయానికి గర్హించి దేవగురువు పక్షం వహించాడు. శుక్రుడి పట్ల తన కుండే మక్కువతో పరమశివుడు బృహస్పతి పక్షంలో చేరాడు. అప్పుడాయన అజగవమనే మహా ధనుస్సు ధరించి బృహస్పతి విరోధి వర్గాన్ని చీల్చి చెండాడాడు.

ఇంద్రుడు కూడా సకల దేవతా గణాలతో, అప్సరసలతో కృష్ణుడు ద్వారక చేరటానికి ముందే వచ్చి ద్వారకానగరాన్ని సకల సౌందర్య విరాజితంగా అమరావతికన్నా వైభవోపేతంగా అలంకరింపజేశాడు. భవుడూ, భవానీ, స్కందుడు కూడా ద్వారకా నగరం ఉపవనాలలో ఒకదానిలో విడిది చేశారు. సప్తర్షులు, సకల మునులు, దేవతలు, వసురుద్రాదిత్యులు అందరూ ద్వారకా నగరానికి శ్రీకృష్ణుడి ఆగమన శోభన వైభవాన్ని దర్శించి ఆనందించటానికి కుతూహలులై వచ్చారు.

ద్వారకానగరమంతా చిన్నబోయి ఉంది. ఇప్పుడు వధూవరుల సహితంగా మనం ద్వారవతికి వెళితే ఆ నగరం ఎంతగానో శోభిస్తుంది. ఉప్పొంగిపోతుంది అని ఆయనతో సంతోష వార్తలు ముచ్చటించుకుంటూ అంతఃపురంలో ఉన్న అనిరుద్ధుణ్ణి చూడటానికి పోతుండగా ఇంతలో చిత్రరేఖ వారికి ఎదురువచ్చి సంతోష స్వాగతం చెప్పింది.

మాయను జయించండి. మాయ మిమ్మల్ని నిర్ణయాత్మక శక్తినుండి దూరం చేస్తుంది. కనుక మాయా మోహములకు దూరంగా ఉండండి అని ఆధ్యాత్మికవేత్తలు, మతగురువులు, సాధారణ ప్రజానీకమును హెచ్చరిస్తూ యుంటారు. మాయామోహములు ప్రలోభములకు మానవాళిని గురిచేస్తున్నాయి. మాయామోహములు లేనిదే జీవితం మృగ్యం నిరర్థకం అనే స్థాయికి ఇవి విస్తరించి ఉన్నాయి.