విశాఖపట్నం, ఏప్రిల్ 28: అరకు ఎమ్మెల్యే కిడారి సర్వేశ్వరరావు టిడిపిలో చేరే ప్రక్రియ లాంఛనంగా పూర్తయింది. విజయవాడలో చంద్రబాబు సమక్షంలో గురువారం ఆయన తన అనుచరులతో కలసి టిడిపి కండువా కప్పుకున్నారు. ఆయనతో పాటు పెందుర్తి మాజీ ఎమ్మెల్యే గండి బాబ్జి అనుచరులు సైతం తెలుగుదేశం తీర్థం పుచ్చుకున్నారు. కిడారి చేరిక ద్వారా విశాఖ జిల్లా వైఎస్సార్ కాంగ్రెస్ పార్టీ నుంచి వలసల ప్రక్రియ ప్రారంభమైంది.

ఘట్‌కేసర్, ఏప్రిల్ 28: డమీ పిస్తోల్‌తో బెదిరించి ఫైనాన్స్ కంపెనీలో దోపిడీకి యత్నించిన బీహార్ రాష్ట్రానికి చెందిన ఓ వ్యక్తిని కంపెనీ ఉద్యోగుల అరుపులతో స్థానికులు పట్టుకుని దేహశుద్ధి చేసి పోలీసులకు అప్పగించారు. ఈ సంఘటన ఘట్‌కేసర్ మండల కేంద్రంలో సంచలనం సృష్టించింది. పోలీసుల కథనం ప్రకారం వివరాలు ఇలా ఉన్నాయి.

హైదరాబాద్, ఏప్రిల్ 28: నగరంలో నిత్యం రద్ధీగా ఉండే కూడళ్లు, చౌరస్తాలతో పాటు వ్యాపార సముదాయాలు, షాపింగ్ మాల్స్‌లలో ఏర్పాటు చేసిన నిఘా నేత్రాలు పోలీసులకు నేస్తాలుగా మారాయి. ఎక్కడ ఏ నేరం జరిగినా, నిందితులను గుర్తించేందుకు ఈ సిసి కెమెరాల ఫుటేజీలు ఉపయోగపడుతున్నాయి. 2013 ప్రజాభద్రత చట్టం కింద తొలుత వీటిని రాజధాని దిల్లీలో అమలు చేసిన తర్వాత ఇతర నగరాలకు విస్తరించారు.

హైదరాబాద్, ఏప్రిల్ 28: గణేష్ ఉత్సవాల సందర్భంగా వినాయకుడి విగ్రహాలకు సహజ రంగులను వినియోగించే విధంగా చర్యలు తీసుకోవాలని తెలంగాణ ప్రభుత్వాన్ని, జిహెచ్‌ఎంసిని హైకోర్టు ఆదేశించింది. గణేష్ నిమజ్జనం సందర్భంగా హుస్సేన్ సాగర్‌లో వినాయకుడి విగ్రహాలను నిమజ్జనం చేయకుండా చర్యలు తీసుకోవాలంటూ దాఖలైన పిటిషన్‌ను హైకోర్టు ధర్మాసనం గురువారం విచారించింది.